閒遊迪士尼 (2021/3)

話說有迪士尼奇妙處處年票，

閒時週末就會去逛下Shopping，

通常都唔會排隊玩下機動遊戲架啦，

主要都係行下食下影下相咁，

因為覺得比行一式一樣又迫既Shopping Malls 好好多，

所以都係一個經常性放假活動。

由上年中開始就因為疫情斷斷續續咁閉園，

所以呢年都只係去左5次就話4月就到期啦~

咁所以3月初開始又恢復可以預約，

就即刻要去多兩次先覺得抵返。哈哈~~

呢兩次去當然比以前少好多人，因為要預約控制人數，

而且園內地方空曠，所以都唔會覺得迫。

重開後裝修左成一年有多既城堡終於完成，

加上今年係香港迪士尼15週年，

所以城堡前既主要佈置都係以呢個做主題。

城堡主題係迪士尼既所有公主，

所以入面既展品都係一間間公主房咁，

當然有玻璃鞋，外面仲有個雪姑七友既水池。

玻璃鞋

雪姑七友水池

四處都會間唔中出現Mickey同其他人物俾人排隊影相，

因為疫情，連影相都唔可以同佢地平排架，

而係前後排，唔知影出嚟會係咩效果。

因為我怕排隊，所以無排啦~

Mickey & Goofy

今次去有好多新商品，我就最鍾意買毛公仔啦~

呢對粉色Chip 'n' Dale真係不得了，一見愛上，

所以忍唔住帶左返屋企。

粉色Chip 'n' Dale

最後再買埋Duffy & Gelatoni 復活節公仔返屋企。

因為續會有折，結果又續左會。