道別太難

跟對上一個Blog又已經過左兩年半了... 

點解明明上次話要重拾寫Blog，然後又突然消失??

因為我最愛既少爺係2021年4月離開左我去當小天使了!! 

兩年半過去，終於可以睇返以前既Blog... 

之前根本係無可能睇返，我諗呢種心情係養過、失去過既先會明白、體會。

其實今時今日我都唔係好想接受呢件事，

不過總算現在想起少爺唔會再好似開左水喉，喊到收唔到聲 >"<

亦慶幸有將之前同少爺一齊既美好時光記低，

成為今日回憶既一部份、生活既小養份。

Jim永遠係我既心肝寶貝，

我每日返到屋企都係會講: 「Jim豬，媽咪返嚟啦~」

少爺既水兜、床都仍然放係原本既位置。

我訂造左少爺既抱枕，放係床邊，就好似Jim無離開過咁。

可能有人會話要收起先會放低，但我無諗住放低，Jim永遠會掛係我心上。

「唔知道今世或者來世我地會以咩身份再相遇，但我知道我一定會認出妳，

因為妳係我唯一既寶貝Jim豬。」

雖然無左少爺陪伴，但佢永遠係我心入面，我亦相信我地一定會重聚。

少爺離開前既最後一次秘密花園之旅，

水犬Jim可以開心暢游，希望係天上面都可以繼續游水水。

 

終於鼓起勇氣同大家講呢件事，好多謝大家一直喜歡我家少爺，

後往，希望繼續Keep到更新呢個Blog，雖然唔可以再圍繞少爺生活，

換一個方向記錄生活日常。

但Blog名係唔會改架啦!!!

Love you forever, my sweet boy 💗