道別太難

跟對上一個Blog又已經過左兩年半了... 

點解明明上次話要重拾寫Blog，然後又突然消失??

因為我最愛既少爺係2021年4月離開左我去當小天使了!! 

兩年半過去，終於可以睇返以前既Blog... 

之前根本係無可能睇返，我諗呢種心情係養過、失去過既先會明白、體會。

其實今時今日我都唔係好想接受呢件事，

不過總算現在想起少爺唔會再好似開左水喉，喊到收唔到聲 >"<

亦慶幸有將之前同少爺一齊既美好時光記低，

成為今日回憶既一部份、生活既小養份。

少爺生日 邁進雙位數 10&11歲啦

 

11歲生日  2020.10.5

上年既生日，阿媽又「的」起心肝整生活蛋糕俾少爺，

雖然我知道無論整成點，JIM都會好開心好賞面食晒❤

仲佈置左個小型背景~

我既少爺請你健健康康，俾我照顧你耐啲

愛你一萬年❤❤❤

少爺生日 9歲篇

9歲生日 2018.10.5 

又到9歲生日啦~ 

因為阿媽工作好忙，所以呢年無親自整生日蛋糕俾少爺。

點都要買個什果蛋糕頂下既，而且啲生果都食得嘛!

不過都仲有牛扒大餐唔少得。

少爺生日 8歲篇

8歲生日 2017.10.5 

當然唔少得阿媽牌蛋糕!!

一睇就知好「化學」，一拎起就好似要散咁....

JIM係旁邊，眼神超緊張，OS: 媽咪呀，你小心啲呀!!! 我仲未食架!!!

少爺七歲生日

唔覺唔覺已經成大半年無寫Blog啦~
之前明明講左話要好好記錄自己既生活，
最重要係好好記錄同少爺一齊既生活點滴，
等之後睇返可以好好回味!!
雖然呢年生活不算如意，
但係還得要過，
所以努力補返認為值得記念既時刻!!

第一篇要補既當然係少爺既7歲生日啦~
(雖則下個月就到8歲啦~ 哈哈!! 所以要拿拿聲)

少爺生日當然要有生日蛋糕加大餐啦!!

猴年新年雜記

雖然年十五元宵節都過埋，
不過Jim家都要祝各位猴年大吉大利，身體健康!!

話說呢篇應該早好多日要寫啦，
不過小妹我有夠忙，最近好多煩事，
所以就推下一日推下一日到今日年十九啦!!

[日常] 農曆年前忙碌的週日

就嚟農曆新年，
年近歲晚要幫屋企大掃除之餘，
亦要幫我家少爺洗白白!!

因為下星期六、日已經係年廿八、廿九，
怕到時多野忙就決定提早少少沖，
到年廿九時再用「碌柚葉」抹身就快好多!

幸好少爺對沖涼唔抗拒，
可能因為愛水，沖涼時全程笑咪咪~

寒流天雜記

本週初，全世界都經歷了「霸王級」、「怪獸級」等既寒冷天氣，
香港都唔例外，經瀝了五十多年來最嚴寒既天氣，
最凍果日應該係星期日，市區溫度都只有3度!!
無錯!! 係3度咋!!
雖然比起其他城市又冰封、又停電，
真係小巫見大巫，
不過對於香港呢個亞熱帶既城市，
真係好少會咁凍囉!!

[敗] 2016 Happy Together!

由2014年開始，Jim家每年都會製作月曆，
今年雖然好忙，但都要繼續呢個習慣，
因為其中一個月曆會放係公司度，
有時做做下野，望到月曆中去玩既少爺，
就會有動力努力工作，
為的就係等假期再同少爺一齊玩!!

2016元旦大滿足之旅

終於有時間寫2016年第一篇BLOG啦~
雖然一月已經過左一半啦，不過點都要.....
祝各位BLOG友2016年事事順利，身體健康!!

2016年元旦假期，Jim家終於可以去秘密花園渡假啦~
今次都係揀坐船船，少爺最愛啦~
點解今篇要叫「大滿足之旅」呢?
請各位耐心睇埋落去就知架啦~

塔門Grass Island野餐

今年聖誕節因家人放假時間排不來，
唔可以去秘密花園避世渡假嚕。
但係聖誕節假期間周圍都人頭湧湧，
所以 Jim家決定提前23號來一次塔門一日遊，
兼補償一下之前因媽咪太忙而無得去玩既少爺!!

[敗] 2015啟德郵輪碼頭寵物嘉年華

剛過去的兩個月非常忙碌，
因為家裡有事、工作又忙都不得了，
所以呢段時間少爺都無得去玩，
BLOG都荒廢了。
上一篇已經係10月中啦~

上兩星期啟德郵輪碼頭舉行第一次Pet Show，
原本要出差上海，點知突然改期，
咁當然要去湊下熱鬧，幫少爺入下貨，
無得玩都要滿足下少爺既口腹之慾嘛~

少爺 Bday Cheesecake

記錄一下JimJim個生日蛋糕，
下次再做睇返BLOG就可以，方便好多。
其實個蛋糕係輕乳酪蛋糕(Cheesecake)，
上面塗上Greek Yogurt (我用既係FACE Total0% 原味)
再加上新鮮Bluebarry，
其實重點係...支6歲洋燭啦~~

中秋Super Moon暨泳季尾聲

今年既中秋節係9月尾，
Jim家一如以往去秘密花園一家大細賞月慶祝，
加上今年個月亮好似話係唔知幾多年先一次既Super Moon，
更加要去郊外、無光害既地方好好欣賞啦!!

今次又再犯左低級錯誤，
就係帶左相機，但又唔記得帶SD卡!!
唉呀，影唔到靚靚 super moon 啦~
唯有用iPhone 影啦~ 可能真係super 啲，
都又真係好似幾大咁喎!!

JimJim 6歲啦~~

尋日係JimJim牛一之喜，好似一個眨眼，少爺已經六歲囉~

因為正日係星期一，無咩特別出去玩慶祝，
上星期中秋連假去秘密花園就當作慶祝架啦~
所以正日就用美食來慶祝慶祝啦!!

話說一如以往，就由我親手整個 Birthday cake 俾我寶貝仔啦~
今年整個芝士蛋糕，加原味乳酪&新鮮bluebarry~
賣相都唔錯架 (自我轉圈圈中~~~)。
其實味道都好好架，因為係整俾少爺，所以減糖，
點知減糖版本仲好食過原來版本，
結果一半我地(人)食左，一半就少爺分兩日食。

與少爺漫步西九

最近香港狗界城中熱話其中一單，
應該係西九龍海濱長廊居然可以蹓狗!!!!!!
要知道係香港呢個咁唔 Pet Friendly 既城市，
可以俾狗狗去既所謂「寵物公園」真係少之又少，
而且每個既面積都係細到不得了。
要好似有西九龍海濱長廊咁大既地方可以俾狗進入，
真係諗都未諗過。

西九文化區既official website 係咁寫既：西九文化區歡迎公眾帶同寵物到訪區內的苗圃公園及海濱長廊。

Yeah~ 終於可以正大光明咁行入去一個似樣啲既公園啦～

[敗] 少爺影分身術之全手工訂製公仔

一直都有做一隻迷你 JimJim 既念頭，
睇來睇去，發現好多都係以羊毛毯為材料。
到4月中時係FB睇到台灣哥基Blogger 3P媽為3P做既公仔，
嘩~  係第一次見到唔係羊毛毯，而且好似喎!!

於是立即訊息詢問一下賣家可不可以郵寄香港、價錢等資料。
知道價錢之後有稍稍考慮了幾分鐘，雖然都算係貴貴地，
不過再想到是訂製、全手工，價錢當然有番咁上下啦，
小妹喜歡手作，亦尊重手作，最後都決定落單。
其實一開始時只係決定做一隻坐姿，站姿那隻係後加既。

亦都因為係全手工，所以當付款之後先會開始排單做，
4月中付款已經要排到8月尾先製作啦~~~~~

2015 Summer Part II - Let's Adventure!!

趁暑假完結前，
與侄仔、小侄女又再去多次秘密花園，一定要多游幾轉水!!
所以突然又有得去玩啦~

由於要遷就大人返工時間，
但又想爭取多D時間玩，
今次嚟個新嘗試週五放工後出發，
亦即係.....行~ 夜~ 山~ 啦 !!!
回想上一次行夜山已經係六、七年前既事啦，
跟一班朋友夜行鳳凰山睇日山!!!

2015 夏令營熱爆FUN

Jim 家既夏令營已經去到第三年啦~
炎炎夏日一定要一家人去秘密花園游水、放空、Summer Fun 一下嘛~
今年既夏令營定左七月中旬，嚟個四日三夜先夠皮。
同時亦都因為五月尾丟底少爺去玩既補返數之旅啦。

非常幸運選中既呢幾日都非常適合戶外活動，
其中兩晚半夜落雨，到左第二朝太陽伯伯又出現返，
雖然最後果日天陰，游水都有少少涼，
不過感覺唔太曬，但係紫外線仍然係超勁，
結果.... 夏令營之後全家又曬黑左幾度啦!!!

好天氣去游龍舟水 2015

由少爺愛上游水之後，
每年端午節都變成游龍舟水既家庭日。
今年當然照舊，同埋少爺去秘密花園游游游啦~

不過今年因為小妹要出差北京，差D趕唔切返嚟，
為左少爺可以游龍舟水，前一晚趕搭夜機返香港，
航班 Delay 就梗架啦，點知等左兩粒鐘仲未起飛，
原來航機上有小朋友發燒要落機，佢地既行李亦要download返，
就係咁，等呀等又一個鐘... 終於可以起飛，返到屋企已經凌晨二點多!!
好彩端午節當日可以如期出發，幾辛苦都抵返晒啦!!