塔門Grass Island野餐

今年聖誕節因家人放假時間排不來，
唔可以去秘密花園避世渡假嚕。
但係聖誕節假期間周圍都人頭湧湧，
所以 Jim家決定提前23號來一次塔門一日遊，
兼補償一下之前因媽咪太忙而無得去玩既少爺!!

話說去塔門有兩個方法，
一係西貢黃石碼頭坐街渡;
二係大埔馬料水坐街渡。
Jim家揀左前者，先去西貢黃石碼頭。



笑到見牙唔見眼既少爺表示: 終於有得去玩啦~~~
當日天陰，涼涼地，雖然不時有少少微雨，
但好快就停，天氣總算還可以。
雖然係閒日都有唔少人係碼頭等船，
大部份係去灣仔營地露營，另外就係去塔門郊遊啦。


<From http://www.discoverhongkong.com>

塔門其實係位於西貢以北既一個離島，
同時係放風箏、露營熱門地點，適合輕鬆遊覽。
另外，因為塔門有一片遼闊既大草坪，因此有另一個英文名「Grass Island」，
Jim家當日既主要行程就係去呢片出名既大草坪野餐啦~~



途徑天后寶樓，當日未有開門，唯有係前門拍一下觀光照。
塔門真的不大，由碼頭步行15至20分鐘就去到大草坪啦~
呢度仲係露營熱點，當日中午去到，已經有3至4家人扎左營，
之後我地3點多離開時就不斷有人帶齊裝備前來，
我諗聖誕節假期呢度一定好熱鬧。
(Btw, 聖誕假真係有Friend嚟塔門露營，
從朋友照片所見真係有好多人去露營呀!!)



其實塔門既海鮮都好出名，
不過海鮮只有人食，帶得少爺嚟當然要以少爺為先，
所以揀左係大草坪一齊野餐啦~
對住咁靚既無敵海景野餐真係令人心曠神怡呀!!
少爺都表現非常開心咁等食~
(太開心唔記得左影下啲食物!! XD)



邊野餐邊周圍影下靚相。
唔知係咪因為冬天關係，大草坪唔係好翠綠下，
不過坐低野餐還是不錯。
現場真係唔少大人小朋友放風箏及野餐。



食下野、影下相、HEA下... 話咁快就差不多時候回程囉。
返到西貢，少爺上車無耐就攤晒係度休息，
可能成個幾月無坐車心情太興奮?
定係已經老啦行左一陣就咁攰攰呢?
唔緊要啦~ 以後就編排啲輕鬆行程就好~~



[23 December 2015]