初二英式行花市

 

年初二去左屋企附近既Garden Centre逛下，當係行花市大運！😎

Garden Centre 除左園藝用品、花卉、種子之外，仲有賣家品、戶外傢俬、運動服裝等等。

仲有Cafe、butcher。

 

 

呢度好多唔同品種既玫瑰，好靚好吸引!!

好多人都會係Cafe 食個lunch，吹下水，咁就消磨左半日。

當日我都食個 cod & chips 為呢日初二行花市活動畫上完美句號。

2024 龍年。恭賀新禧！！

祝各位龍年萬事如意、大吉大利！
每年農曆新年前都會去花墟買年花，蘭花、桃花、櫻花都係必買。
因為今年過一個不一樣既農曆新年，仲有好多鎖碎事要處理，所以簡簡單單買左蘭花、銀柳、洋水仙應節一下。

閒遊迪士尼 (2021/3)

話說有迪士尼奇妙處處年票，

閒時週末就會去逛下Shopping，

通常都唔會排隊玩下機動遊戲架啦，

主要都係行下食下影下相咁，

因為覺得比行一式一樣又迫既Shopping Malls 好好多，

所以都係一個經常性放假活動。

2021年花記

年廿九剛買回來時還未開

2021年既農曆新年我都有買年花佈置家居，

今年的桃花和日本櫻花都好靚~

一別兩年多

今日突然想起呢個Blog，究竟仲存唔存在呢?

好彩仲係度，睇返以前既POST，真係回憶返晒嚟!!

最後一篇原來已經係兩年半前，寫緊四年前既遊記....

對於現今瞬息萬變既數碼世界，簡直係彷如隔世~

但係非常慶幸以前有寫過，可能讓我無限回味，感覺幸福!!

--------- 分 。隔。線 ----------

四年前既遊記仲有兩日行程未寫，不過已經太遠了，

所以... 都係算吧啦......

但係遊記之前既BLOG 原來係我家少爺既七歲生日~

咁兩年半後既今日就一次過補返呢幾年既少爺生日片段啦~

--------- 又。分。隔。線 -----------

希望之後再睇返時仍然有滿滿既幸福感~

下一篇正式重新BLOG過~ 

猴年新年雜記

雖然年十五元宵節都過埋，
不過Jim家都要祝各位猴年大吉大利，身體健康!!

話說呢篇應該早好多日要寫啦，
不過小妹我有夠忙，最近好多煩事，
所以就推下一日推下一日到今日年十九啦!!

[日常] 農曆年前忙碌的週日

就嚟農曆新年，
年近歲晚要幫屋企大掃除之餘，
亦要幫我家少爺洗白白!!

因為下星期六、日已經係年廿八、廿九，
怕到時多野忙就決定提早少少沖，
到年廿九時再用「碌柚葉」抹身就快好多!

幸好少爺對沖涼唔抗拒，
可能因為愛水，沖涼時全程笑咪咪~

[食記] 360度美食美景 - The Grand Buffet

23.01.2016  The Grand Buffet (自助山)

上週最凍果幾日既其中一日，去左合和中心56樓，
不過並唔係去食風，而係去裝修後既旋轉餐廳--自助山(The Grand Buffet)。

幾年前仲係食Set Lunch 既年代去過一次，
裝修後變身成矜貴既自助餐餐廳。
點解係矜貴? 因為佢比一般五星級餐廳既價格仲要貴啲。
而且仲有可以俾客人加錢享用既自助Wine Bar。

寒流天雜記

本週初，全世界都經歷了「霸王級」、「怪獸級」等既寒冷天氣，
香港都唔例外，經瀝了五十多年來最嚴寒既天氣，
最凍果日應該係星期日，市區溫度都只有3度!!
無錯!! 係3度咋!!
雖然比起其他城市又冰封、又停電，
真係小巫見大巫，
不過對於香港呢個亞熱帶既城市，
真係好少會咁凍囉!!

[遊記] 上海半天偷閒記

因為工作原因，平常每兩、三個月就需要到上海、北京出差，
每次我都盡量將一星期的工作濃縮至三、四天完成，
盡力將見唔到少爺既時間縮到最短，
因為媽媽(即我本人)有嚴重分離焦慮症~ XD

所以每次出差都是機場、辦公室、酒店三個地方，
有時間出外逛逛我倒不如快點完成工作，
回家抱抱我家少爺!!

[少爺日記] 我的契姐姐 - 阿福

Hello Everybody!! 我係JimJim啦~

今日要隆重同大家介紹我既契姐姐!!
佢就係阿福姐姐啦!! 佢已經13歲架啦！



點解我會多左個契姐姐？
因為最近媽咪開始助養阿福姐姐囉～
阿福姐姐由1歲開始就住係SAA架啦，可惜等左12年都等唔到有心人帶佢返屋企。
但係SAA願意照顧好似阿福姐姐咁既狗狗直到終老。

[食譜] 無花果、小Pizza與南瓜濃湯

今年六至八月都非常忙碌，其中硬要擠出時間跟少爺放假放空，
其餘時間就更加忙到透不過氣。
唔好話煮野食，連好好生活休息一下都唔可以。
今個星期忙碌工作終於暫告一段落。
即時歎返個無花果配藍莓乳酪。
又係無花果季節，淡淡既無花果好香。

其實生活就係做自己喜歡做既事，
一個人或兩個人都可以，生活從來重質不重量~
忙碌過後要煮一煮、車一車 (係車衫個車)、hea 一 hea。

最近無煮，找回cooking folder 內未寫既小Pizza 與南瓜濃湯充撐一下。
話說第一次自家製 Pizza 之後都無再寫過，
其實都做左無數次Pizza。
淘寶寶Pizza 砧板都仲未係BLOG出過場.... XD

DIY有機香薰噴霧工作坊

一向喜歡香薰，以前獨居時都有每日點香薰既習慣。
之後搬返跟家人同住後就減少左點香薰既頻率了。

上週末去上了一個DIY 有機香薰噴霧既工作坊 (DIY organic room spray workshop),
工作坊係金鍾廊 Lab Concept 舉行，都係第一次上去，
原來果度佈置充滿藝術感，環境舒適。

Workshop 係由一個香薰品牌 (Neal's Yard Remedies) 既註冊香薰師主講，
除了簡單介紹香薰既用途、十多種香薰精油既功效，
重點就係製作屬於自己既香薰噴霧啦~

環酵是寶!!!

因為睇到網上分享話「環保酵素」(簡稱:環酵)成份天然，
對狗狗皮膚好，見到寵物網店都有買就買左一支俾少爺用。
平時用黎抹身、出街散步返屋企就用黎抹手仔腳仔，
效果都唔錯，少爺無任何敏感狀況。

後來有狗友家公主皮膚唔好用完有好大改善，
引起左我既興趣，於是就加入埋FB 既相關群組。
加入後真係學到好多，原來環酵係寶!!!

羊年要咩有咩!!

咩咩咩~~~
羊年到啦 (其實已經係年初五啦~ )
唔理年初幾啦，總知祝各位BLOG友羊年事事如意、要咩有咩!!!

小妹插既花花，當然要搵御用model影多幾張賀年靚相!!

Corgi 帶你遊倫敦

大家都知 Corgi 係倫敦好巴閉架啦，
因為連英女皇都寵愛佢，
有時去旅行出巡都會帶住佢地，
搵佢地做倫敦既代言人一D都唔過份呀!!

前兩日無意中見係 youtube 見到一個由倫敦某旅行網拍既宣傳片，
真係不得了呀!!
因為今次既主角就係一隻Corgi!!
帶你玩盡倫敦，坐bus 去 royalacademy，又去名店 shopping，
恤個靚髮再坐 cab 去嘆 afternoon tea。
學 James Bond 坐 speedboat 睇 Big Ben，
再係 London Eye 欣賞夜景，真係精彩都不得了!!

睇完真係想去返轉倫敦呀!!

 

<video from Youtube >

好少野買既寵物展X2

感覺今年寵物展規模細左好多，
可以買既野亦愈來愈少。

今年兩個主要既寵物展都有去，
一個係灣仔會展，另一個係九龍灣展貿。

用手機APP變身微電影大導!!

最近Facebook 流行上載短片分享，
唔係普遍隨手拍咁簡易，而且有晒effect好微電影 Feel 個D~
原來...係用手機App 加後製而成既短片!!
只要簡單地加一些後製效果及背景音樂，
話咁快就可以完成一個效果好靚既MV架啦~

來自汪星的 JIM

足足有一個多月無更新個 BLOG 啦!!
因為呢個月超級忙，
忙工作 (呢個月係我個行既peak peak peak season)、
忙學呢樣學個樣 (其實小妹係超級心急既人，成日想到咩就要立即去做既人，
最近又搵到新野學啦！！)、
仲有仲有，就係忙中毒啦 (當然係星星 laaaaa~~~)。

ABC Cooking Studio 初體驗

係日本擁有超過100多間分店既人氣料理教室 ABC Cooking Studio，
繼於北京及上海開分校後，
終於正式登陸香港，落戶於尖沙咀K11。

小妹從友人口中得知有體驗班立即打電話預約。
據說電話很難接通，小妹打左3次就通啦~