感覺今年寵物展規模細左好多，
可以買既野亦愈來愈少。
今年兩個主要既寵物展都有去，
一個係灣仔會展，另一個係九龍灣展貿。
= + = + 27-29.06.2014 優質寵物用品展 + = + =
灣仔既寵物展號稱係全港最大，但係今次都縮左水，
有多過一半既場地變左做家居用品展，
憑寵物展既票可以免費去埋，咁應該叫抵左定唔抵呢?!
行勻全場，最後只買左海藻粉同毛梳俾少爺。
零食都買唔到，盡全力都搵唔到薑餅人之類食開既小食，
只有個D不知名100蚊10包個D，
自問心血少唔敢搵少爺條小命較飛。
反而係家居用品展買左個咖啡機同砧板俾自己。
(JimJim表示: 媽咪大膽呀!! 明明話去寵物展，無零食不單止，仲要自己就買咁多野!!)
= + = + 31.07-02.08.2014 香港國際寵物用品展 + = + =
剛過去既星期六，又走左去九展既寵物展。
場地比灣仔既細好多，大型既參展商好似都係灣仔見過。
不過今次有D少型商號參予，反而買到一兩款小食，總算唔係白走一趟。
另外，仲買左一支護掌棒，天然成份，好似人用既潤唇膏咁，
唔知係咁少爺行得山路多，肉掌愈來愈「鞋」，
有時候俾佢刮到都真係幾痛，所以見到呢支野就買返來試下。
好彩呢兩次既寵物展都有攞到免費入場券，
如果唔係，真係有D"車錢+入場費"都蝕埋既感覺呀!!!
其實可能養耐左咩都有咩,連2月個個寵物展,我都無咩買到呀!
回覆刪除Jim婆婆都係咁講。佢話JimJim既野仲多過佢，哈哈！！
刪除我依家都少咗去呢啲展覽 , 因為媽媽話我年紀開始大 , 唔再買零食比我 , 寧願自已整餅餅比我食 , 健康好多呢~!!
回覆刪除自己做真係健康又安心得多。媽媽依家買來買去都係食開無問題個D, 當本少爺做乖孩子個陣先有得獎架!!
刪除