[少爺日記] A bathing corgi

Hi everybody~ 我係 JimJim 呀~

媽咪前幾日幫我沖涼既時候，
偷影左我幾張出浴照，
佢話D相影得本少爺好可愛喎，
然後就叫我自己寫篇 Blog 記錄下咁喎。

本來呢我就諗左呢篇 Blog 既標題叫"媽媽好無聊之少爺我愛洗白白"，
不過媽咪話 唔可以話佢無聊 標題太長喎 ，
所以呢... 最後幫我改左現家呢個標題，
ummm..... 都OK啦~

本少爺鍾意游水水就大家都知架啦，
其實沖涼我都OK Like 架。



不過呢, 未濕身係浴缸度等等既時候呢都有D緊張架，
你睇我對耳仔就出賣左我啦~ >"<
我最鍾意個PART呢就係刷泡泡啦，好爽好舒服架!!



之但係本少爺就唔太鍾意吹毛囉，要吹鬼死咁耐，
有時真係吹都瞓著左都未吹完架!!
媽咪話吹唔乾仲麻煩喎，所以我都唯有乖乖唔郁啦~

最後放張本少爺同媽咪既絕密自拍照俾大家，
不過媽咪話佢真人不露相喎~




(記錄完畢)