少爺專屬月餅

正所謂一年容易又中秋，
話咁快下星期就係中秋節啦!!

中秋節要食月餅係常識啦卦~
所以繼上年失驚無神第一次整月餅俾JimJim食，
見佢都食得好滿意，所以今年再接再厲!!
(基本上少爺有野食就滿意架啦~ 哈哈)

有左上年既經驗 (去年經驗 => 少爺初嚐自家製月餅 )，
今年識得主要餡料用紫薯再加少少南瓜，
食譜亦改良左，今次想試下減少麵粉既份量，
所以做餅皮時以薯仔做主要材料遂少加入麵粉，
直到可以搓成團既形態，而且亦無落油，
其實最後都幾濕爛，包餡及放入模度都幾花時間&耐性!!
初初包第一二個時簡直想翻枱呀!!!!!!
最後媽媽以不屈不摟(!!!) 既意志完成!!!



個月餅模都係用返舊年係上海街買果個，
Size 細細地，每次食一個剛剛好啦~



少爺得戚樣安慰媽媽話: 個樣唔靚唔緊要啦，最緊要食得落口!!
不負少爺所望，月餅當然入得口啦，
媽媽都有試味，就係材料本身既味囉 (即係無味 )。
以示支持，少爺以9秒9速度清左一個。



週末Jim家將會到秘密花園慶中秋，
賞月當然要食月餅啦，
所以應該會再做多次月餅俾少爺帶去賞月，
遊記返來再分享~

預祝各位中秋節快樂啦~~