2014暑假夏令營 - 濕身熱辣辣

續上一篇出發篇 「2014暑假夏令營 - 出發嚕！！」。
本篇只得大量少爺濕身沙灘Look，熱辣辣
Are you ready??!!

= + = + = + 入 正 題 分 界 線 + = + = + =

上篇提到夏令營就即係少爺喪游水既時候，
一日最少一次走唔甩，
今次多數每日9點半左右就會大伙兒到附近沙灘玩，
又因為今次無船船，去唔到附近既南風灣囉~

不過都有去另一個出名水清沙幼既白腊灣。
原以為 weekday 去會少人D，可以放繩暢游，
點知.... 遇著唔知咩公司開沙灘 Party，
有成三十幾隻遊艇，沙灘既人少說到有二、三百人，真係救命!!



但係反正去到無理由唔游就走，
結果少爺無得放繩游超唔爽，
仲要周不時有人走過黎問可唔可以摸下少爺。
(JimJim: 無計，本少爺太靚仔，太得人歡心~ )

游水途中，不斷有人由遊艇坐快艇到沙灘，
D快艇完全無視人狗，駛到好近人群，
真係好危險!!

無幾耐仲開大音響 LIVE BAND 助慶，
真係嘈過旺角呀!!!



由於以上種種"以為自己包左個沙灘而唔理其他人感受"既自私行為，
加上個日好大浪，大伙兒玩左一個鍾度就走啦~
希望個間公司玩完之後會清理返個沙灘，執走帶來既垃圾啦!!

經過一日不愉快既白腊行之後，
之後幾日都係近近地係村入面既小沙灘玩下好啦。



由於係農曆月頭月尾，日間係潮退時間。
少爺心情非常愉快，所以亦非常合作!!
經常自動係岸上擺出各種 Pose



村內小沙灘雖然多石，一定就唔係沙幼架啦，
不過就勝在無咩浪，少爺可以自由游，亦唔怕俾浪捲走



今次當然都有帶埋少爺既私家遊艇啦~
玩玩下將隻艇放係岸上，
點知少爺自己游到攰，自行返上岸仲走去隻艇都瞓!!!
阿仔，有無攰得咁誇張呀!!!



經過幾日喪游之後，少爺一日比一日晏起身，
仲要夜晚扯晒鼻寒個隻，睇來真係好攰囉~



2014暑假夏令營完滿結束啦~
多謝天公造美，天氣十分適合郊遊暢泳。
期待下年暑假再喪游囉~~





~ 完 ~



[24-27.07.2014]