2014暑假夏令營 - 出發嚕！！

每年七月份，
除左唔好貼埋牆行同唔好咁夜返屋企之外，
（點解？你地明既～）
仲有係香港既打風同落雨既季節。

對於我家亦都係一年一度少爺喪游水、小妹放空之旅既夏令營時候。
點知....計劃好日子請埋假之後，
阿颱風威馬遜先生來個逆襲！！
天氣報告預測個幾日會日日落大雨！

反正香港夏天唔係酷熱天氣警告就係落雨天，
有雨落可能好過酷熱天氣警告(好怕少爺中暑!!)，
除非黑雨（！！！）絕不改期！

結果...阿威馬遜先生行快左兩步，雨天提前，
夏令營四日三夜，除左一晚落大雨之外，
其他日子都天晴，有時仲陰天，真係非常好運！！

出發日心情大靚既少爺！！



因為今次無船船搭，要行大概半小時山路先去到目的地，
所以安排晨早出發，希望避開正午既大太陽。
好好彩個日雖然太陽伯伯無偷懶，但風先生都有返工，
所以沿路都有涼風吹都幾舒服。



不過對於少爺Jim當然都係熱啦，
所以水要不停Keep住飲，涼涼衣出動，冰水噴噴，
上落樓梯出動人肉升降機（即係佢阿媽我），
終於平安抵達啦～



去到少爺可以free run 當然要親親大自然一下，
不停左聞右聞，東逛西走啦。



咦... 唔覺唔覺寫左咁長，
咁濕身沙灘照（當然係少爺架啦～）就留返下篇啦～


（未完，待續）


去年夏令營重溫：
2013暑假夏令營 - 早晨散步篇
2013暑假夏令營 - 石灘晨泳篇
2013暑假夏令營 - 海灘踏浪篇