[少爺日記] 我的契姐姐 - 阿福

Hello Everybody!! 我係JimJim啦~

今日要隆重同大家介紹我既契姐姐!!
佢就係阿福姐姐啦!! 佢已經13歲架啦！



點解我會多左個契姐姐？
因為最近媽咪開始助養阿福姐姐囉～
阿福姐姐由1歲開始就住係SAA架啦，可惜等左12年都等唔到有心人帶佢返屋企。
但係SAA願意照顧好似阿福姐姐咁既狗狗直到終老。

媽咪話環境唔許可領養阿福姐姐，
但想透過助養計劃可以將少少愛分俾其他狗狗，略盡棉力!!
我地會助養佢到終老，希望阿福姐姐要健健康康開心生活！




而且每月SAA都同透過Whatsapp 將阿福姐姐既近況話俾媽咪知!
好似最近仲每月會為生日既狗狗舉行生日慶祝，
歡迎所以助養狗狗既有心人預約去探狗狗一齊開心慶祝下，
其實平時都好歡迎大家去探望架!

媽咪話因為狗友係FB & BLOG 既分享佢先會知道SAA既助養計劃，
雖然係FB都已經寫左，而且只係捐左少少錢，微不足道。
不過希望有多D人認識呢個助養計劃，而令到更多狗狗得到幫助，
所以不嫌其煩再係BLOG到寫多次喎!!!

其實好多照顧流浪狗狗既慈善團體都有類似既助養計劃架，
大家上網搵搵就有啦~
有心人可以去SAA website了解多d助養計劃既詳情呀～

SAA official websit: 讓失寵再得寵 - SAA 動物助養計劃

SAA Facebook: Society for Abandoned Animals

媽咪話好喜歡SAA個 slogan - 讓失寵再得寵!!
日日係FB 唔同既狗狗 Group 不停見到D棄養post、
流浪動物被虐待既 post 等等都會好唔開心，
有時候都唔忍心再睇。
媽咪話佢依家知道係繁殖場狗狗既慘況，
係街上面無家可歸、無人愛錫既浪浪們既可憐，
如果來日有能力有機會再養狗狗時一定會選擇領養!!