2015 夏令營熱爆FUN

Jim 家既夏令營已經去到第三年啦~
炎炎夏日一定要一家人去秘密花園游水、放空、Summer Fun 一下嘛~
今年既夏令營定左七月中旬，嚟個四日三夜先夠皮。
同時亦都因為五月尾丟底少爺去玩既補返數之旅啦。

非常幸運選中既呢幾日都非常適合戶外活動，
其中兩晚半夜落雨，到左第二朝太陽伯伯又出現返，
雖然最後果日天陰，游水都有少少涼，
不過感覺唔太曬，但係紫外線仍然係超勁，
結果.... 夏令營之後全家又曬黑左幾度啦!!!

今次除左帶相機之外，當然都有帶新物 GoPro，
之前敗物篇已經率先披露少爺見到海灘既開心樣，
呢篇仲有架!!!

= + = + = + =  跳。回。出。遊。當 。日 = + = + = + =



當日天氣非常好，熱到不得了!!
因為要住成咁多日，帶去既日用品、行李、食物都非常多，
所以今次揀左搭船，仲要係"卜卜仔"，差不多45分鐘船程，
少爺好耐無坐船，不知幾開心。

記得過去幾年都有特別去附近既沙灘玩，
不過今次就無啦，因為果幾日真係熱到不得了，
所以唔想咁熱行山，只係村入面既小沙灘玩。



慣架啦~ 見到水就衝落去!!
今次帶左GoPro先嚟個漫游mode先 (慎入:內有美美PatPat擺呀擺)

<Audio: Oh! - Eric Hutchinson>

唔好停，泳照連環發~











游游下有咩咁吸引呀??
其實係小侄女嚟陪 JimJim 一齊游水啦~



話說少爺愛上跳水，游幾轉就上去私家艇到休息下，
抖夠就直接跳落水.....
有 GoPro 就可以錄低俾大家睇啦~

<Audio: Officially Yours - Craig David>

少爺話時間差唔多，上岸抖抖、Shake一Shake，返去囉~
行幾步就係沙灘感覺真爽!!





夜晚係屋前空地BBQ，小爺認真留意有咩啱佢食，當然係... 無啦~~




除左BBQ，亦有新鮮海產，yummy!!




老老實實係無電視、無wifi 既地方，
真係無特別既野發生，
平平淡淡咁就過左呢幾日啦~

所以大家睇完本篇係咪覺得都幾無聊呢??
真係除左少爺既泳照、就係少爺既泳片 (??)，哈哈~
不過我就係覺得平淡是福啦~
可以同少爺、家人一齊放鬆、聊天、BBQ、飲下啤酒/汽水，
真係好好好開心。
其實生活唔係就係咁咩?!

話說呢篇搞咁耐先出到，其實係因為要Edit Vedio，
都真係幾花心機同時間，
不過剪剪下都幾好玩呀，唔同音樂又有唔同feel。
最難係要搵隻啱心水既音樂，又要表達到想要表達既感覺。

啱啱８月我地又去左玩啦～　
今次仲帶左狗狗專用背帶試用，究竟會拍出咩效果呢～
敬請密切期待！！