2015 Summer Part II - Let's Adventure!!

趁暑假完結前，
與侄仔、小侄女又再去多次秘密花園，一定要多游幾轉水!!
所以突然又有得去玩啦~

由於要遷就大人返工時間，
但又想爭取多D時間玩，
今次嚟個新嘗試週五放工後出發，
亦即係.....行~ 夜~ 山~ 啦 !!!
回想上一次行夜山已經係六、七年前既事啦，
跟一班朋友夜行鳳凰山睇日山!!!

當然今次行呢段路唔可以同鳳凰山相提並論啦，
而且呢段路行過咁多次，真係黑麻麻都識行呀，
不過老人家話少少怕正值農曆七月....
喂!! 唔驚啦~ 我地話晒都人丁旺盛，無有怕!!!!
就係咁，少爺又順利完成左佢既第一次行夜山嘗試啦~

= + = + = + =  跳。回。出。遊。當 。日 = + = + = + =

黑麻麻等出發既少爺，未出發先興奮。



當晚去到村時已經十點多，各人沖完涼都就差不多休息啦，
抖足精神第二朝一早去玩啦~



第二朝好天都不得了，當然要去游返兩轉水先啦~







自己游來游去幾寫意。
屁股蹺蹺，腳短短，好可愛啦!!!



呢張好似飛天小豬咁~ 哈哈!!



等到中午過後再一齊去小沙灘玩，
又係GoPro大派用場既時候啦~
記住睇vedio時要係右下角Setting揀HD (1080p/720p) 啦!!
因為我upload 時係揀左HD，不過唔知點解play時會default左320，
效果差好遠架!!

<Audio: Officially Yours - Craig David>

上次夏令營時主打錄片，反而用GoPro影相唔多，
所以今次就影多好多相，張張都好可愛!!





之前用100D影少爺泳照，好怕少爺衝過嚟會整濕鏡頭，
所以根本好難影到濕水大頭Look，
依家唔怕啦~
你睇下水中手手，撐開晒好似海星咁~ 哈哈!!



仲有仲有... 水中漂移~
勁鍾意呢張相，好有動感咁!!
下次要再影多啲水中照先~



天氣好心情好影咩都好~



話說今次另一個任務就係要試用下GoPro背帶既拍攝效果，
所以特別帶左少爺去探險，唔講咁多，
Let's adventure!!!
(慎入: 內有搖晃鏡頭，隨時暈到嘔~ >"<)

P.S 記住揀HD呀!!

<Audio: You and I Both - Jason Mraz>

真係好有探險 Feel 哩，原來對我嚟講既小草矮木，
係JimJim 既角度好似去左森林咁~
仲有呀，平時 JimJim既步速就係咁快架啦，
不過明顯回程時係有慢返少少咁啦。

我覺得拍出嚟效果好有趣，不停睇左好多次，
睇下睇下就唔覺暈架啦~ 哈哈!!



開心時光過得特別快，貶下眼暑假就完囉~
要再等下個假期先有得再嚟玩過啦，應該要到中秋節囉!!!

其實回程時仲有小插曲發生，
就係小妹我太論盡，唔小心仆親!!!
兩個膝頭哥好大力咁跪低左，當時仍然可以硬撐返到屋企，
不過到左夜晚就已經痛到不得了啦~
結果第二日終於要去醫院照 X-ray 兼打止痛針。
幸好未有傷及骨頭，不過就根膜發炎，
足足放左成個星期病假係屋企休養啦~



所以少爺都要陪佢阿媽禁足唔得去街一排啦~
不過到中秋節應該無問題可以去玩啦卦??!!