與少爺漫步西九

最近香港狗界城中熱話其中一單，
應該係西九龍海濱長廊居然可以蹓狗!!!!!!
要知道係香港呢個咁唔 Pet Friendly 既城市，
可以俾狗狗去既所謂「寵物公園」真係少之又少，
而且每個既面積都係細到不得了。
要好似有西九龍海濱長廊咁大既地方可以俾狗進入，
真係諗都未諗過。

西九文化區既official website 係咁寫既：西九文化區歡迎公眾帶同寵物到訪區內的苗圃公園及海濱長廊。

Yeah~ 終於可以正大光明咁行入去一個似樣啲既公園啦～



話說膝蓋傷左以後都無帶 JimJim 散步兩個星期有多啦，
知道呢個新蒲點後，上星期夜晚食完飯立即帶少爺去逛一逛。
由屋企揸車去可概15分鐘就到啦~
我地大概10點左右去到，
可能太夜，只有少數人係都跑步、有幾對情侶曬月光，亦有幾個人獨自發呆。
環境真係好舒服，而且秋風涼爽，真係正都不得了。
可以同少爺一齊欣賞咁靚既夜景真係好浪漫啦!!
由於公園11點就關門，所以行左50分鐘度就走啦~



不過要提醒各位，係西九海濱長廊係一定一定要時刻繫上牽繩！！
上牽繩！！上牽繩！！上牽繩！！ (因為非常重要，所有要重複三次!!!)
而且為免影響其他使用者，狗主必須自行清理寵物既便溺物！！（是常識吧！！）

唔好用咩狗狗好乖之類既理由唔拉繩，
要知道呢個係一個非常大既公共場所，
有不同既人使用，有喜歡狗，亦有怕狗，
為其他人設想，亦為狗狗既將來設想！
如果之後因為各種原因而令到西九文化區唔再歡迎狗狗的話，
我諗香港永遠只會有細了不得了既「寵物公園」。



大家一定要做好本份，難得香港終於有一個似樣啲既地方蹓狗，
而且亦可以籍此提倡人狗共融，令更多人接受狗狗既存在。

我要求唔多，只要可以靜靜地同少爺散步，
唔使等到假期先可以有草地行下就好滿足啦~