[敗] 少爺影分身術之全手工訂製公仔

一直都有做一隻迷你 JimJim 既念頭，
睇來睇去，發現好多都係以羊毛毯為材料。
到4月中時係FB睇到台灣哥基Blogger 3P媽為3P做既公仔，
嘩~  係第一次見到唔係羊毛毯，而且好似喎!!

於是立即訊息詢問一下賣家可不可以郵寄香港、價錢等資料。
知道價錢之後有稍稍考慮了幾分鐘，雖然都算係貴貴地，
不過再想到是訂製、全手工，價錢當然有番咁上下啦，
小妹喜歡手作，亦尊重手作，最後都決定落單。
其實一開始時只係決定做一隻坐姿，站姿那隻係後加既。

亦都因為係全手工，所以當付款之後先會開始排單做，
4月中付款已經要排到8月尾先製作啦~~~~~



價格主要按不同size而不同，size 越大細緻度愈高。
唔同姿態亦有所不同，就好似站姿係貴過坐姿。
因為考慮到太大無位擺，而且細細地當去旅行出Trip都可以帶小JimJim隨行，
於是就決定做9cm個Size啦~

之後幾個月都忙於工作，直到八月初見到另一位台灣哥基家長既Blog (醬董)介紹，
忽然又被燒到，想想不如多做一個站姿，
然後又再發訊息問一下加單要不要再等多幾個月?!
回覆是不需重新排，可能需要延後兩星期。
於是要再多訂一個站姿。



站姿原來比坐姿又貴少少，心想都唔差少少，
多做一個免得之後後悔又要重新排單啦!!
結果當晚付款之後又發了一批照片給賣家。

等到8月尾，收到賣家發訊息呼喚，以為是不是做好了??!!
滿心歡喜之際... 原來係想問下我兩隻表情要不要改成不太一樣，
因為我發既照片都係吐舌頭。
賣家有俾意見，最後決定坐姿吐一點點(小開心表情)，站姿吐長啲(大開心表情)。





等呀等...今個星期終於等到成品飛來啦~~~
包裝有泡泡紙包著，兩隻迷你JimJim 平安完好送到!!
立即俾少爺跟迷你JimJim 相認。

少爺OS: 你地係邊個，做咩同我一樣既樣架??!!!



細看成品，未至於非常似，但某啲角度有捉到神韻。
賣家製作真係有用心，有幾處地方係少爺既特徵都有做到，
例如鼻頭小黑點及粉紅色，右邊近後腿有一小處無毛，頭花等等，
而且上色都非常細心，深淺色既地方都有相似到!!



其實就好似我睇別家既成品覺得好似，
但其實自己個仔就會覺得唔係似到"嘩"一聲咁。
因為只有自己(爸爸媽媽)先至係最了解自己個仔/女，
所以會覺得唔係99.9%似，但又講唔出點樣唔似 (哈~ 唔知你地明唔明我講咩~)
正因為咁，而且少爺係有生命架嘛，每分每秒都唔同，
就算幾巧手都無可能做到一模一樣。
所以依家呢兩個成品有做到神韻，相似度亦好高，我已經非常滿意啦~~

呢張相既角度(下面張相) 我覺得最似啦~
有無留意到近後腿既一點白呀~~ 胎記??!!! (誤)



再講我好滿意呢次既購買過程，
賣家非常用心，誠懇有禮貌，
而且之後亦有跟進收貨後買家是否滿意，
有提醒如何保存得好啲，有詢問真正買家(JimJim) 既反應 (哈哈!!)，
雖然價錢唔平，不過我覺得係值既!!

我建議大家可以去賣家FB Page 欣賞一下作品，
其中有做唔同類型既動物，免仔、喵喵、雀鳥，甚至乎人像。
(不過我就覺得動物比較似啦~ XD)

賣家FB Page : 婚婚手工讚   Q版人形‧寵物公仔製作