JimJim 6歲啦~~

尋日係JimJim牛一之喜，好似一個眨眼，少爺已經六歲囉~

因為正日係星期一，無咩特別出去玩慶祝，
上星期中秋連假去秘密花園就當作慶祝架啦~
所以正日就用美食來慶祝慶祝啦!!

話說一如以往，就由我親手整個 Birthday cake 俾我寶貝仔啦~
今年整個芝士蛋糕，加原味乳酪&新鮮bluebarry~
賣相都唔錯架 (自我轉圈圈中~~~)。
其實味道都好好架，因為係整俾少爺，所以減糖，
點知減糖版本仲好食過原來版本，
結果一半我地(人)食左，一半就少爺分兩日食。



除左蛋糕，當然有生日大餐啦~
主菜就係雜菜伴澳洲穀飼牛排、甜品係Happy Cow Cocout ice-cream!!!
少爺非常捧場，蛋糕簡直係秒殺呀!!!
(JimJim OS: 梗係秒殺啦~ 得丁屎咁多多XD)



話說JimJim食完主菜再加一小件Cake之後，
忽然「Gur」左一聲.... 哈哈~ 衰仔太飽啦!!!
咁當然唔再俾佢食甜品住啦。
連大胃王都飽到上心口，真係不得了~ 哈哈!!



知道無得食雪糕既少爺表示好無奈，
無計啦，總唔可以飽成咁仲食吓嘛!!
(JimJim OS: 其實我個胃係黑洞嚟架，「GUR」唔代表飽架!!!!!)

真係一眨眼就六歲啦!!
雖然仲未係老狗，不過少爺既毛色都開始變淡，
當然無論你係BB、少年、老狗咩都好啦，
係媽咪心目中永遠都係心肝寶貝。
要健健康康，好似廣告咁話: 「食得、瞓得、PUPU得呀!!」