今年既中秋節係9月尾，
Jim家一如以往去秘密花園一家大細賞月慶祝，
加上今年個月亮好似話係唔知幾多年先一次既Super Moon，
更加要去郊外、無光害既地方好好欣賞啦!!
今次又再犯左低級錯誤，
就係帶左相機，但又唔記得帶SD卡!!
唉呀，影唔到靚靚 super moon 啦~
唯有用iPhone 影啦~ 可能真係super 啲，
都又真係好似幾大咁喎!!
話明係中秋節當然唔少得燈籠啦~
借小侄女既獅子燈籠影下相先!!
去得秘密花園又點可以唔游水呢?!
中秋之後應該要等到聖誕節先有時間再去，
所以今次應該係2015年既最後一游啦~
九月尾既天氣仍然有啲悶熱，
水溫OK，還可以人狗暢泳。
少爺一見到海就當然係衝落去啦~
其實呢個時節游水的確唔錯，
唔會太晒，海水都特別清澈。
太陽晒落海面閃閃生光，
加上少爺休哉悠既樣，人(狗)生唔係就要咁既咩??!!!
JimJim OS: 唔該嚟杯椰青水呀!!! XD
最愛GoPro可以影到水中既性感美臀~ XD
睇完硬照當然要來個動態啦~ 去片!!
話咁快今個夏天又差唔多結束啦~
要等下年夏天先可以再游餐飽啦~
不過秋天有秋天既好，
話說寫呢篇BLOG既時候天氣已經突然轉涼，
秋風送爽，最啱行山啦~
希望今年可以帶少爺去多D唔同既地方行下山啦~~
我用傻瓜機都影唔到
回覆刪除JimJim 呢個係正宗狗仔式 XD
有時iPhone影相方便過傻瓜機~
刪除JimJim呢個狗仔式好堅架, 我試過係佢後面俾佢撐左一腳，好似打左一拳咁痛架!! >"<
睇見 Jim Jim 游得咁開心 , 夏天係屬於佢嘅 , 我都開始行山喇 , 快啲 plan 吓同 Jim Jim 行山山啦~!!
回覆刪除秋天係屬於圓咕碌既行山好季節~ 哈哈!!
刪除Jim Jim︰做咩夏天咁快走，我都仲未游夠本
回覆刪除JimJim: 姨姨真了解我~ 所以我唔敢包下次見到海會忍唔住照衝落去架!! 哈哈~
刪除秘密花園又無浪又水清Jim你真係好幸福呀^^ 天氣開始轉涼係時候行山lu
回覆刪除因為果度真係好偏僻下，而且無公用水沖身，所以應該無咩人會去先保持到咁水清咋!!!
回覆刪除係囉, 又係冬出動既時候啦~~