[遊記] 上海半天偷閒記

因為工作原因，平常每兩、三個月就需要到上海、北京出差，
每次我都盡量將一星期的工作濃縮至三、四天完成，
盡力將見唔到少爺既時間縮到最短，
因為媽媽(即我本人)有嚴重分離焦慮症~ XD

所以每次出差都是機場、辦公室、酒店三個地方，
有時間出外逛逛我倒不如快點完成工作，
回家抱抱我家少爺!!



上星期又去了一次上海，
因為今次要遷就其他人，開完半天會就被迫空閒，
那就出去食食逛逛。
所以本篇算不上遊記，純粹記錄一下半日偷閒時光~

雖然常來，但真正坐低飲杯咖啡既時間都無咩，
今次揀左係新天地附近既cafe坐坐，
老實講一杯mocha 要成RMB90，本人覺得一啲都唔平民，
但係Weekday都客人不絕，大部份都係年青人，
真係不得了~



晚餐朋友帶我到外灘旁既日本料理食放題，
話說價格都唔平(每位RMB398)，海鮮非常新鮮，
海膽、白牡丹蝦、甜蝦、燒牛舌等任食。
到上海有時間推薦可以試一試 [萬島日本料理鐵板燒(外灘店)]。



話說晚飯後有段小插曲，就係依家係上海街頭係唔會截到的士既!!
我跟友人於街上冒著雨等了半個多小時，
不停有未載客既的士駛過，但就係唔停咩!!!
結果友人想起用Call 的App，唔使兩分鐘就有回應，的士馬上就到達。
當下即刻問友人點解唔一早用呀!!!!

的士司機話佢地現時已經唔會再係街上接客，
因為用App可以揀自己滿意路程或地點既客，
而且有啲更會用支付寶先付款。
我呢就覺得咁樣即係合法揀客??
咁短程既客人一定唔會有人想接啦!!
如果有計劃到上海玩既朋友就最好預先安裝定呢類"打的App"啦，
唔係真係邊到都唔駛去。



返到酒店附近，友人再帶我去附近地道小食店食豆腐花，
除左豆腐花，仲有豆漿、油條、煎堆之類既小食，
我揀左豆腐花，原來... 係咸既，店員會幫你落晒啲配料，
葱、冬菜、紫菜、鼓油....
豆味好香，不過食食下覺得太咸，所以最後只食左半碗。
食完就捧住個肚返酒店瞓啦~



四天過去，終於等到返屋企既時候啦~
係飛機上睇日落，再諗到好快見到我家少爺就心情開朗，
日落都特別靚靚!!



我估少爺唔特別掛住佢阿媽 >"<，
不過返到屋企總算都有熱烈歡迎儀式既，
再加上比平時痴身少少，
佢阿媽我已經好開心啦~~ XD