[敗] 2015啟德郵輪碼頭寵物嘉年華

剛過去的兩個月非常忙碌，
因為家裡有事、工作又忙都不得了，
所以呢段時間少爺都無得去玩，
BLOG都荒廢了。
上一篇已經係10月中啦~

上兩星期啟德郵輪碼頭舉行第一次Pet Show，
原本要出差上海，點知突然改期，
咁當然要去湊下熱鬧，幫少爺入下貨，
無得玩都要滿足下少爺既口腹之慾嘛~

去到都真係幾失望下!!
入場費比係會展舉行既貴，要成40大元!!
雖然入埸時會一人一袋贈品，
但係全部係啲"唔等使"既野無咩用。



其實好快逛完一圈，面積比會展及九展的都要細，
參展商亦比較少。
會展的比較多大品牌，好多不同牌子的狗糧都搵到，
但係啟德呢度就無啦，好似只搵到一個牌子。
相反呢度比較多寵物攝影既counter，
因為無帶少爺嚟，所以只係行過無細心睇。

今次買左一樣新野俾少爺食，就係「喜馬拉亞出芝士捧」。
真係非常香芝士味，我買既係中size，sales話可以咬一個月!!
因為無買到咩，所以就一時耳仔軟買左......
少爺當然非常愛，但係呢.....
我見佢食到"啪啪聲"時我又擔心唔知會唔會咬崩牙，
結果食左一次之後我就無再俾佢食啦，
唔知有無人有食開，覺得OK呢?



當日最抵係俾我係一堆好似垃圾既箱中搵到一條5大元既狗繩!!
由於少爺去沙灘游水時我都會上繩落水，情況許可先會放佢，
而狗繩浸過咸水就好易生綉，用幾次就要買過新，
呢條5蚊真係好抵，最適合去沙灘用!!
只可惜只搵到一條....>"<

最後買左一啲零食及用慣既沖涼液就走人啦~
咁貴既入埸費真係有啲唔太值既感覺~
而且去啟德郵輪碼頭仲要係地鐵站轉小巴先去到，
交通唔方便，所以呢，
如果下次再舉行但規模一樣既話應該都唔會再去啦~