猴年新年雜記

雖然年十五元宵節都過埋，
不過Jim家都要祝各位猴年大吉大利，身體健康!!

話說呢篇應該早好多日要寫啦，
不過小妹我有夠忙，最近好多煩事，
所以就推下一日推下一日到今日年十九啦!!



其實Jim家親戚唔算多，所以拜年初一至初三搞掂。
去舅母家拜年，當然見到冬冬啦~
可能因為當日太多人啦，招呼客人太攰啦，
所以下半場都係瞓著左咁!!



今年最慘係年初四就要返工啦 >"<
公司每年都會擺放大桃花係門口，
今年既特別大特別靚!!!
同事話仲有結子，非常好意頭~
聽聞幾年前都有試過桃花結子，
當年公司就有六個同事既小朋友出世呀!!
老細不停叫我地圍住棵桃花轉圈，沾下桃花旺氣喎。
我當然唔執輸，希望猴年事事順利啦!!



初七又係情人節(雖然又係過左啦>///<)，
我既小情人少爺祝大家日日都甜蜜蜜啦~