2016 復活節假遊記

話說小妹新年後工作超忙，
得閒死唔得閒病，所以個BLOG都荒廢左，
其實三月復活節假時帶少爺去左一轉秘密花園，
之後直到五月底終於回一回氣跟家人去左一趟台北，
所以嚟緊一有時間就會補返呢個台北之旅架啦。
依家先寫復活節假遊記先!!



依家睇返啲相，果時仲要著褸，
真係覺得熱呀，哈哈!!



其實都無咩特別行程及活動，
雖然當時係冬天，不過少爺係唔會放過游水水既機會囉!!
不過睇返啲相，當日應該都幾大太陽 (其實我已經唔太記得啦!!哈哈)
一有得落水即時成個笑晒!!





其實當日少爺(應該)都係游左幾個堂(!!)咁啦!! 哈哈
上岸當然要扮晒型咁甩下水啦~



今次都有釣魚，仲收獲不錯!!
呢條好似係鑪魚，只係清蒸已經好鮮味啦!!



其實無咩特別活動，四圍閒蕩，吹下海風已經好寫意。
寫意到要「放下蚊」先~ 哈哈!!



最近有幾位認識不認識既狗狗都粉粉去左當小天使，
感覺可以同少爺一齊真係做咩都無所謂，
不過少爺當然話去秘密花園可以自由行會好好多啦~



最近工作忙碌，陪少爺時間都少左，好彩仲有Jim婆婆，
媽咪應承可以的話一定會陪你多啲、帶你游水水!!
Jim，你要健健康康呀!!!

[25-27 March 2016]