[日常] 農曆年前忙碌的週日

就嚟農曆新年，
年近歲晚要幫屋企大掃除之餘，
亦要幫我家少爺洗白白!!

因為下星期六、日已經係年廿八、廿九，
怕到時多野忙就決定提早少少沖，
到年廿九時再用「碌柚葉」抹身就快好多!

幸好少爺對沖涼唔抗拒，
可能因為愛水，沖涼時全程笑咪咪~



除左幫少爺洗白白豬之外，亦開始執屋。
執執下俾我發現呢個由舊屋拎返嚟既「白佳膠袋」!!
呢個膠袋應該有廿幾年歷史，80年代既產物。
應該個時仲未流行用可分解物料製造膠袋，
所以個袋仲好堅韌。
我諗好多年青人應該未見過!!



星期日既晚餐試下新野--「南瓜薑黃野菌飯」配「枝竹羊腩煲」。
兩款都係冬天暖身之選。



好少用LC煲飯，看網上食譜好似好易咁，
其實蒸起來都幾巧功夫，今次怕有生米煮過火，
燜了點，要多多練習了。
羊腩煲係家人要求菜式，用的羊腩是超市買既紐西蘭半腩粒。
小粒燜起來不用太多時間，一個小時就可以，非常方便!!

同場加映，當晚少爺都一齊食南瓜。
等食既少爺好認真喔~ >///<

這樣就過了忙碌的星期天，
下星期就新年啦，執屋進度緩慢，仲有排忙!!