[食記] 360度美食美景 - The Grand Buffet

23.01.2016  The Grand Buffet (自助山)

上週最凍果幾日既其中一日，去左合和中心56樓，
不過並唔係去食風，而係去裝修後既旋轉餐廳--自助山(The Grand Buffet)。

幾年前仲係食Set Lunch 既年代去過一次，
裝修後變身成矜貴既自助餐餐廳。
點解係矜貴? 因為佢比一般五星級餐廳既價格仲要貴啲。
而且仲有可以俾客人加錢享用既自助Wine Bar。



Jim婆婆未去過合和旋轉餐廳，為左湊熱鬧一於要朝聖一下。
我地揀左星期六既 Lunch Buffet，時間兩個半鐘，
又要食野、欣賞風景、仲要影相，都真係幾忙!!
亦因為要睇清楚個View，所以揀日頭既Lunch時段。

小妹認為佢比一般五星級酒店餐廳貴，
呢個360度既維港、跑馬地、山頂View 絕對係主要原因!!
只要乖乖坐係度就欣賞到不同景觀，又係幾吸引既~



食物跟一般自助餐大同小異，頭盤海鮮有生蠔 (My favourite!!)，
呢款Size較少，應該唔係美國或加拿大蠔，而且較咸。
另有長腳蟹、大蝦(分有殼及去殼)，有殼個隻，另一favourite堅好味，有蝦膏!!
仲有青口、小八爪魚。
亦有多款沙律菜、風乾肉。
熱盤因為小妹麻麻地，所以無特別記住有咩，就一般炒飯、蒸魚、油雞、炒菜之類。
另外有細細籠既點心，款式有蝦餃、燒賣、荷葉雞等5至6款。
亦有日式炸天婦羅既counter，Grill bar有燒羊架(OK好味)、燒蔬菜。
西式湯及中式湯各一款，肉車只有牛肉(麻麻地)。
日式有一般即切魚生Counter(4-5款)、4-5款手握壽司及加州卷等。

點品都幾多款式，一般既小件Cake、自家製朱古力、即做waffle及pancake，
5-6款雪糕(唔記得留意咩牌子)，不過最緊要係有榴槤味!!(又係my favourite!!)



整體我覺得食物都好多款式選擇，亦不停refill，
只係生蠔要排一陣(幾個人)。
收碟既頻率真係值得一讚，絕對唔會有碟無人收既情況，
因為我個人都幾介意呢點，碟未收就唔想再去攞野食。

家人試過Dinner Buffet，
Dinner多左冷盤龍蝦、鵝肝、中式燉湯、
肉車多幾款肉、即做棉花糖(只記得咁多!)，
不過360度既夜景又係另一番情調，當然亦係另一個價錢啦~ 哈哈!!

Jim家一致認為有特別事要慶祝時，可以再來!!
聽聞依家網上預訂已經排到2個月後，真係不得了!!
能夠與至愛家人共享美食、欣賞美景，確實要好好記低!!



食完之後行過以前既喜帖街，
依家已經變身豪宅及高級名店囉~
雖然街道乾淨漂亮，不過感覺已經不一樣了!!!

= + = + = 粹 粹 念 = + = + =

一向沒有寫食記既習慣，
一來自己不是食家，除了"好味/唔好味"之外，
就再諗唔到其他既形容詞啦~ XD
二來亦唔係常常外出用餐，食好野既人，
不過好多時食飯前，少不免會相機先食，
之後再睇返的相就已經唔太記得係邊間餐廳嚕~
所以2016年開始都要來記錄一下，
較為特別既就寫詳細啲，不然就放照片好啦~

不過小妹既食記只係記錄性質，
應該就無咩參考價值，
因為除左好唔好味應該無咩其他形容詞架啦~
有興趣就看看，無興趣就自行跳過啦!!