本週初，全世界都經歷了「霸王級」、「怪獸級」等既寒冷天氣，
香港都唔例外，經瀝了五十多年來最嚴寒既天氣，
最凍果日應該係星期日，市區溫度都只有3度!!
無錯!! 係3度咋!!
雖然比起其他城市又冰封、又停電，
真係小巫見大巫，
不過對於香港呢個亞熱帶既城市，
真係好少會咁凍囉!!
個幾日真係太過凍，
小妹唔想半夜凍死係條街(誇張左少少 XD)，
所以將平日係半夜散步既行程改為早上。
晨早得幾度，仲要係有時落微微細雨，有時好大滴雨，真係凍到僵!!
但係只限媽咪!! 少爺不知幾興奮!!
其中一日雨愈落愈大，佢都居然唔肯走!!
由於屋企係地磚地，非常冰冷，
而少爺又喜歡趴趴，所以都要幫佢著件衫仔，
免得冷親肚仔。
可惜少爺真係唔怕凍，衫仔著一陣就要求脫光光!!
好啦~ 你要除就除啦~
不過出外散步時，我就一定要幫少爺著一件薄衫，
因為有一種凍叫「媽咪覺得你凍」!! 哈哈~
話說少爺好少會自動走上梳化瞓覺，
不過最凍個兩日，終於出現呢個情境啦~
真的耶，少爺終於覺得凍囉~~
呢幾日見到台灣BLOG友好多都帶狗狗去玩雪，
唔知少爺狗生有無呢個機會呢?
不過少爺總算試過最凍既香港冬天啦~~
佢件三間衫係你改俾少爺?
回覆刪除唔係呀,係街買架! 我邊有咁叻呢!!XD
刪除佢喺廳有無自己床仔？如果有而佢又想暖的話就會自己走去床坐/瞓。
回覆刪除我哋室內有暖氣，但係帶Blaze出街大小便我都唔會同佢著衫架，呢邊啲狗狗慣哂，而且哥基係耐寒嘅狗種。
屋企太細,所以床仔係房到咋!不過廳有地氈佢都要專揀地磚來趴架!!
刪除Blaze見慣風雪所以習慣左,香港Corgi都未試過咁凍架，而且習慣左和暖天氣，怕佢冷親肚仔痛就麻煩啦~
Jim Jim啲脂肪夠禦寒，哈哈
回覆刪除哈哈~ 係呀係呀,你真了解佢!!
刪除碌媽: 上個星期日又落雨又超凍 , 屯門得2.5度咋, 我唔敢帶咕碌出街呀 , 留响屋企嘆暖氣開心啲 , 少爺jim 唔怕凍真係厲害 , 一種凍叫「媽咪覺得你凍」比你笑屎咗我呢~!! ^0^
回覆刪除哈哈~~「媽咪覺得你凍」就真係好凍架啦~~XD
刪除屯門真係特別凍架,我都想少爺留係屋企免得凍死佢阿媽!!哈哈
真係50年先一預,我係d group仲見到好多狗狗因為太凍都頂吾住走左了(本身有病在身)所以個幾日我都好怕出事,好彩依家終於回暖了.
回覆刪除咁嚴重架!!不過上左年紀既狗狗真係要多好多心機照顧留意，好彩唔係凍好多日咋!!
刪除