來自汪星的 JIM

足足有一個多月無更新個 BLOG 啦!!
因為呢個月超級忙，
忙工作 (呢個月係我個行既peak peak peak season)、
忙學呢樣學個樣 (其實小妹係超級心急既人，成日想到咩就要立即去做既人，
最近又搵到新野學啦！！)、
仲有仲有，就係忙中毒啦 (當然係星星 laaaaa~~~)。

太多人講星星啦，所以唔使小妹多講都知係咩啦（下刪五千字...）~
總知就「외계인은 사랑해요.」哈哈！！

(少爺迷之音：喂！清醒下啦，唔該！！）


= + = + = + = 跳 回 現 實 分 界 線 = + = + = + =

再仲有仲有，就係要照顧少爺Jim啦～
話說今年Ｄ天氣真係好怪，
凍極都未凍完，又開始潮濕回南天，
少爺唔知點解今年皮膚出狀況，
出濕疹到咬損自己！！

唯有要帶圈圈做返汪星人啦！
Ｅ，邊個星星來架！！？？ （迷之音：人黎呀～有人再次呈現毒發狀態！！）

少爺唔抗拒帶圈圈，不知笑得幾甜。好可愛啦～



帶住圈圈一Ｄ都無阻少爺 enjoy life ~
仲可以好自在咁瞓午覺。
（呢張係ip cam影既，質素比較差）

希望夏天來臨既時候，皮膚ＯＫ唔影響游泳課啦！！

亦因為皮膚唔好要勤Ｄ洗白白，
少爺沖涼時個樣幾「梳乎」！！



話時話究竟幾時先會到少爺最愛既 summer time 呢？！
 

= + = + = 潮 濕 天 氣 出 去 玩 小 貼 士 = + = + =

因為最近疑似春天回來了，非常潮濕，
郊外地方好容易有昆蟲、蝨、牛脾之類既小生物活動，
所以呢種天氣，我都唔會帶小爺去草地草叢之類既地方。
仲要加上今年咁既皮膚狀況，真係諗下都唔得呀！！

各位如果計劃帶毛孩出去玩，記住做足防蝨措施，
帶蝨帶、keep住噴防蝨水、
返到屋企要立即檢查有無帶埋呢Ｄ唔受歡迎既小生物返去啦！！