[手作仔] I'm Top Model~

Jim媽之前都有幫少爺做下衫仔、圍巾仔咁，
一為興趣、二來覺得自己做獨一無異之餘，又可啱Size!!

一直用開既小小衣車新既一年已經報銷，
今次把心一橫買部多D功能、好少少既，
希望一分錢一分貨，可以用耐D啦~



Function 包括「集骨」、「打鈕門」之類，
大概有十多種車花款式，
足夠平時改下衫褲，車下少爺衫啦~~

拆開個樣係咁，有腳踏、小配件。



其實係農曆新年前買架啦，
所以少爺新年戴既英倫style 圍巾係第一件成品!!

跟住就試下做新野，一口氣做左三款胸背帶。
有請自家品牌既 top model 示範一下!!

哈~ 好LIKE少爺擺呢個飛機POST，再加埋傻笑，
襯出 Hello Kitty x One Piece 布料既童真，
真係 kawaii 既呢!!



一轉風格，加副黑框眼鏡既書生LOOK，襯托和風布料!!



因為香港呢個星期只有7度左右，
少爺要求著住衫仔瞓覺覺。
(因為阿媽話除衫去床瞓時，少爺反抗行開，但要求抱上床!!)

但係現有既棉質衫全部都係有袖，瞓覺著住唔多舒服咁~
(應該手太短既關係!!)

所以依家著手做緊件夾棉背心，
希望保暖之餘又可以著得舒服。
只剩加衫鈕就完成!!
不過話時話，好似就快凍完啦~~



之前做過既可重溫:
[手作仔] 少爺的和風汗衫
[手作仔] 一不離二之少爺領呔
手作仔] 第一件少爺衫(?)的誕生!!!