一年一度會展寵物節係啱啱既週日結束啦。
一連三日唔知有幾多人有去到呢?
Jim媽係第二日即星期六既下午去既，
去到見到長長既購票人龍都嚇左一跳，
記得往年無咁多人既，
今次要排20分鐘到先買到飛入場，
雖然人多，不過秩序良好!!
今年既收獲就係咁啦！！
埋單18XX，明明覺得今年無咁多野買，
點解仲洗多左架??!!
(JimJim: 又一次証明媽咪係小數精明，大數懵盛盛啦!!!
)為左抵返入場費30大元，
有幾樣野係清單上好希望買到既，
一係補健品、二係洗毛水、三係狗糧。
頭兩樣都買到心水，
但第三樣就搵來搵去都見唔到個攤位，
結果都係買唔到!!
玩具一包係SAA買滿$300 抽獎既禮物，
其他因為排隊攞贈品既人龍實在係太太太長啦，
媽咪太懶，所以贈品只有咁多，一整個好弱!!!!
今年都買左件黃色sharp 醒衫俾少爺,
仲可以雙面著(黃/黑色)，只係50大元!!!
係咪好型先!!!
= + = + = + 血。拼。後。感 + = + = + =
Jim媽覺得今年無往年咁多平價零食賣咁，
好似今年連薑餅人餅餅都買唔到。
不過今年就好似多左慈善團體參加，
仲有即場領養唐狗既攤位，
希望有幸運狗狗因此搵到 Forever home 啦!!
總結，一年一次點都要去湊下熱鬧，
有Ｄ平時買開既野係場內真係平Ｄ，
好似尿片呀、糧呀咁，
啱心水而有拎到返屋企真係慳唔少架！！
Jim Jim 媽算買得多嘢喇 , 我啲朋友仔同我講...............尿片真係好平 , 不過太重拎唔到 , 其他零食都唔算太平 , 所以買得好少嘢 , 我媽媽好少去灣仔呢個dog show , 因為太遠 , 除咗有免費票先會入去睇吓呢~!!
回覆刪除我都無買尿片,真係太重啦!!
刪除因為我平時好少特別去買零食，所以一次過買多D慢慢食嘛~
吾知點解年年我都見人買到好多心水衫,但徧徧我真係一件平靚正都揾吾到@@
回覆刪除個度人多車多毛孩多, 個個攤位都要迫入去, 真係要好彩先搵到合心水架!!
刪除