[2024。春] 靚女鄰居

同大家介紹一下我既靚女鄰居....

佢叫Olivia～ 

係附近鄰居放養既喵喵。

呢度啲喵好自由既，鍾意去邊度玩就去邊度，唔好諗住會管到佢地呀！

之前同 Olivia 仲未熟絡，只可以遠觀，呢排終於見到我肯走埋嚟～

磨下磨下要人摸，好心情既話仲翻埋肚肚架！

人類奴才我就梗係不知幾開心，摸多兩下啦！！😆

最近仲多左一隻細喵，似足Olivia既小跟班，唔知係邊頭住家既呢？

佢細膽好多，唔夠走好遠，會跟住係Olivia 既附近，

Olivia又會返轉頭望下細喵係邊咁.... 

其實附近仲有兩隻黑喵，有機會影到佢地再介紹俾大家識。