2021年花記

年廿九剛買回來時還未開

2021年既農曆新年我都有買年花佈置家居，

今年的桃花和日本櫻花都好靚~

今年花市因為疫情取消了又話重開，

但係就變左好細規模，地點減少，
所以好多人都改到花壚買花。
我是年廿九請了半天假到花壚入貨，
之前兩年都是留到最後年三十晚早放工去，
因為怕今年太多人，所以決定提早一日。
結果真係人多了，但價錢無平到，

我覺得同上年差不多，有部份仲係比上年貴左。

年初五已經開得好燦爛啦~

今年因為家裡有個位置可以放大花瓶，
所以特意買了一個新既準備放大枝既花。
一口氣買了桃花和日本櫻花，
還有新年不可缺少的富貴子，取個好意頭。

 

第一張相係剛買返來既年廿九影既，

桃花年三十晚就開始開，到年初五已經開得好燦爛。

 

日本櫻花係今年第一次入手，因為疫情無得去日本好耐，

所以係屋企可以欣賞到都唔錯呀!!

買時係一朶都未開，我仲特意問花商係咪真係會開，

結果較桃花遲開，年初二陸續開花... 之後真係開晒。

日本櫻花同桃花既感覺真係唔同，

桃花係喜慶，而櫻花係淡雅。

雖然價錢櫻花比桃花貴左一倍，但我明年都會繼續買，

因為真係好靚超鍾意~ 💖

 

新年當然少不了好意頭既蘭花，

我買了三株，然後自己放盤，再放簡單既裝飾。

今年揀左細頭品種，去年就係買大頭既(下面)，

我覺得各有美態，但顏色我就喜歡舊年個盤多啲。

去年大頭品種蘭花

少爺成個頭塞入去花度

之前提過少爺好鍾意聞花，有圖有真相，

佢真係成個頭撞過去，塞入花度，誇張都咁^^"

除左年花，仲特意插了一束紅紅橙橙既檯花，

橙色洋牡丹加橙紅色小玫瑰。

朋友嚟到都忍唔住話我屋企有好多花，哈哈~