花藝師之路

重開BLOG其中一件想要記錄低既事，

就係舊年我成為了一位花藝師~ 

用了一年半時間，總算達成了一個小目標👏

一直喜歡花，覺得係屋企可以擺放鮮花會令住係入面既人都開心啲。

其實花藝都唔係一個便宜既興趣，直到2018年覺得現在既自己條件適合，

於是就認真想實踐起來。

上網一睇原來都有好多唔同既課程，

短期、工餘興趣班、專業花藝師....五花百門。

考慮過除左興趣亦可當作自我增值，可能會從中得著更多，

而且都係想認真啲、專業啲，

結果最後報左城大專業花藝師證書課程，

畢業後可參加國際認可既專業公開考試，

合格後就可以獲得DFA荷蘭花藝師既專業資格。

成個課程係城大及西歐花藝專業學院合辦，

課程大概一年半，分三部分，教授包括花藝技巧、配色學問、養花學問、

Photoshop技巧(用於之後可以成立網上花店技巧)及大型花藝佈置等。

當完成左第一部份之後，其實有猶豫仲繼唔繼續，

因為課程唔係興趣班，每星期上課一天，

放工後去，由晚上6點至10點，而且上課時真係要好專心，真係一啲都唔輕鬆。

還好最後有堅持，考試仲一次 all pass，總算無浪費時間金錢。

成個課程最辛苦應該係要不停練習，上堂時要好用心聽及睇老師講學示範，

每星期仲要完成兩個功課，之後仲要不停練習，令技巧純熟，

因為公開考試時間好緊迫，考足全日，要分開限時完成五個作品，

依家諗返真係覺得自己好叻 (自我感覺良好~ )。

同大家分享一下呢個花藝師之路走來的其中一些作品 ☺

第一堂學既檯花

不斷練習後既檯花

三角形檯花

三角形檯花

第一次既手綁花束

Ajour 手綁花束

瓶花

壁飾

新娘花球 (1) 

新娘花球 (2)

呢個新娘鐵線花球真係練習過無數次~~

鐵線花球

新娘三角花球

新娘手花

新娘頭花

新娘襟花

新郎襟花

水滴形葬禮花球

十字型葬禮花球

禮物裝飾

酒瓶裝飾

之後就有加入自己創作既作品

(改良後)題: 櫻花樹下賞花飲酒

  

改良前

 

 

這個是要用學到既Photoshop 技巧製作花店宣傳

由花束、拍攝、Photoshop及排版都係自己一手包辦架!!

用來拍攝既花束

功課

 

 

Photoshop

最後就係大型佈置技巧，

題目係婚禮的一角，我個小組抽到前台簽到檯、呢個就係個成品啦~

為左呢個功課，我地五個女仔真係做左成晚架.... 

各組員都共識唔想花太多錢來完成呢個功課，

所以設計都比較簡約，以夢幻粉色為主調。

最後都合格，我們都很滿意!!

Sign in corner

其他同學既作品非常高質，簡直係不惜工本，大灑金錢，俾大家欣賞一下:

Photo Corner (相薄區)

 

Sweet Corner (糖果區)

另外我地總共20多位同學及幾位導師一同製作出這個婚禮佈置，全部都係鮮花製作架!!

過程中發現以鮮花佈置婚禮場地真係唔簡單，

包括事前準備，當日佈置，花材準備，其他佈置都要配合，

唔怪得唔計花材，單純人工收費都好貴啦!!

最後來到課程尾聲，就係公開考試啦!

為左考試我地同學們都特別租左Party Room幾次，大家一齊練習，

希望互相提點俾意見，而且導師亦非常好，課餘都肯陪我地練習俾意見。

考試其中一題是自選題目，花材自選、以特別既花藝技巧製作，

配合餐桌佈置，評分導師會以幾方面來評分，

例如配色、花材選擇、 花藝技巧、餐桌佈置等....

登...登...登.... 呢個就係我既考試作品啦~ 

經過無數次既改良、練習.... 最後終於合格了，

仲要係得到最高分既一PART呀!!

練習中作品

考試當日完成品

以上就係呢一年半既艱辛之路...(誇大左啲...哈哈!!)

雖然到目前為止都未有開始網上花店既念頭，

因為搞生意真係唔簡單，要好多時間&心機，

不過我都仍然有Keep住插花自娛，

現在心情唔好、有心煩事都會去花壚逛下買花，

再返屋企慢慢插花，當作係自我療癒既過程，

我家少爺都好鍾意鮮花，成日都會主要去聞花，撞花>"<。

之後再同大家分享我閒時既成品~