一向喜歡香薰，以前獨居時都有每日點香薰既習慣。
之後搬返跟家人同住後就減少左點香薰既頻率了。
上週末去上了一個DIY 有機香薰噴霧既工作坊 (DIY organic room spray workshop),
工作坊係金鍾廊 Lab Concept 舉行，都係第一次上去，
原來果度佈置充滿藝術感，環境舒適。
Workshop 係由一個香薰品牌 (Neal's Yard Remedies) 既註冊香薰師主講，
除了簡單介紹香薰既用途、十多種香薰精油既功效，
重點就係製作屬於自己既香薰噴霧啦~
當日小妹就製作左一支薰衣草 (Levender)、乳香 (Frankincence)、
佛手柑 (Bergamot) 既 room spray 啦。
佛手柑既果香能平衡神經系統機能、鎮靜且提振精神、使人神清氣爽、適合用於改善緊張、壓力、有助平衡皮膚。
薰衣草能舒解精神壓力、失眠及頭痛問題，有安撫既效果，適合大部份膚質。
乳香具有溫暖、鎮靜既香味、非常適合冥想時使用、幫助深度呼吸、舒解精神壓力。用於肌膚保養，有助抗皺滋潤。
當日上完堂亦有問導師關於家有狗狗對香薰使用上有咩係要特別注意，
而且之前係網上見到一篇關於主人點 rosemary 香薰而令狗狗吸入後非常不適既消息，
於是想了解係咪真係有D香薰油係對狗狗有害既呢?
導師解釋其實無研究顯示某一種精油係對狗狗有害，但係因為狗狗既嗅覺比起人類靈感太多，因此任何太濃烈既氣味都會令狗狗不適。
導師建議可以滴一滴精油係紙巾上，於狗狗前面一段少距離揮動，先睇下狗狗既反應，
如果狗狗走開即表示氣味可能令狗狗不喜歡不舒服，咁就應該試過第二種啦!
好彩我家少爺對香薰無表現抗拒，亦未出現過不適情況，
而且少爺仲特別鍾意 Rose 同 Jasmine 點呢兩種香薰，
每次點既時候都會耐唔耐走去香薰器度聞!!
不過當然家家寶貝都有唔同啦, 對少爺無問題唔代表其他狗狗都無問題，
所以都係要用導師既方法測試下較為安全，
同時要保持室內空氣流通及不時留意狗狗既反應。
因為問左導師關於狗狗既問題，
跟住佢就介紹左佢地另一個品牌既Dog wash & Kennel Spray俾我啦。
（果然好識ＳＥＬＬ野呀！！）
產品來自澳洲，亦係 organic product，香味都唔錯，所以就忍唔住買左啦！
適逄之後個日係少爺既沖涼日，所以已經試用左。
香味沖完已經唔係好濃烈，近距離聞到淡淡 Lemongrass既香味，
不過三日後就已經無咩香味啦~ 可能係因為純天然既氣味，
所以唔似人造香味可以維持耐Ｄ。
另外洗完後毛毛唔太乾，不過都唔係特別潤，OK啦！！
而支Kennel Spray香味清新，有清潔消毒既效用。
初次試用感覺不錯，因為今次係參加workshop 之後買product 有所以買來試下，
不過要再試多幾次先知啦會唔會再入貨啦。
今次我仲學左一直都想整既 facial mist，
準備整支天竺葵玫瑰 facial mist俾自己。
仲差買個合適既玻璃噴噴就可以開工啦～
期待期待！！
沒有留言:
發佈留言