[敗] 夏天出遊必備Alphaicon Cooling TankTop

夏水快到啦~
我想我家少爺對夏天應該又愛又恨!
水犬當然愛夏天，可以游過痛快。
但係都熱到爆炸，有時怕中暑太熱都唔敢出去玩啦。

所以呢，為左夏天出遊可以舒服DD，
一直周圍搜羅可以外出消暑既好東西!!
去年平平地係淘淘買左一件可以雪到變冰既山寨版涼涼衣，
都有用，不過就好快唔涼 (大概可維持15分鐘)，
亦都唔太啱身，要人手加工改返細。


(去年夏令營時攝)

其實之前睇台灣既哥基BLOG，
都時不時見到佢地出遊會著Alphaicon 既涼感衣，
好睇又實用，真係好吸引。
自己上網搵過，只有日本有得賣，但無 overseas delivery.... (灰左~)
今年見到台灣既寵物用品店又有新款既 Alphaicon Cooling TankTop，
仲要有哥基既Size，要知道哥基胸大(!!) 身長，普通size係一定唔 fit。
立刻問做唔做 overseas delivery，居然OK (但一定要用順豐到付)!!
二話不說睇下咩色咩款好，最後揀左彩色菱格 pattern (係彩色菱格&迷彩掙扎過一輪!!!)



雖然價格真係幾「唔大眾化」，少爺要著3L，單價要NT$2080。
官網介紹既功能可乾濕兩用，浸濕後使用可藉水氣蒸發達到散熱效果，
不浸濕使用也可有效控制盛夏強光下衣內溫度。
避免狗狗受陽光或路面反射既熱度。
按以上介紹既功能又真係唔可能只賣百幾蚊既。


(Infomation from http://www.alphaicon.com/)

少爺著3L真係好合身 (3L已經係中小型狗狗既最大啦~~~)，
衫衫摸上手真係又輕、又透氣，吸水後亦唔覺變得好重。
對於夏天要行山既少爺真係好啱用，
就算行行下件衫已經乾左都唔怕焗親。
黎緊夏天就要試一試係咪咁好啦!!!

夏天，我地已經 Ready 啦!!!!


<<購買 Info.>>
如有興趣可以到寵物雜貨舖逛逛
Alphaicon 涼感衣仲有不同款式供選擇，不過唔同款功能有少少唔同。
建議訂購前先 Email 詢問仲寄唔寄香港先啦~


P.S. 出遊小心得:
夏天出遊除左涼感衣，仲要帶定足夠飲用水，
仲有我會帶雪凍既噴噴水壺，時不時噴下少爺降溫散熱，
記住千祈要小心唔好中暑呀!!!!