[手作仔] 阿媽牌 TankTop

原來對上一個車衣文已經係一年多啦~
最近 Join 左幾個 FB 關於布藝、縫紉既Group，
重燃起想車衫俾少爺既一團火。
而且Group友介紹買布好去處，
原來其中一家因店家就快結束香港零售業務，
所以"拿拿臨"去逛一逛。(有興趣逛逛)

點知... 唔逛又至何，一逛就不得了!!!
因為就快結束零售業務而進行清貨大減價，
雖然減價後既布料都係比"淘寶寶"貴，
不過勝在有得摸上手，加上唔會有色差問題，
所以仍然忍唔住入手。



除左布料外，亦有日本進口既犬服紙樣，有多種SIZE及款式。
小型犬比較多選擇，哥基屬中型犬只有一兩款。
不過當然全部都唔放過!!

上圖係第一次去既收獲，動手想做時又發現無買底布，
結果又再去第二次，又敗了幾種布料及包邊。
因為之前做過件汗衫俾少爺係全人手縫製 (重溫 [手作仔] 少爺的和風汗衫 )，
所以... 今次係第一次真正車衫俾少爺!!



噹噹噹!!! 成品出來囉~
用左同色系既布做底布及包邊，我自己覺得好滿意!!!
有請 Model 即場試穿。



嘩，日本紙樣真係唔同D，Size 真係剛剛好，very fit!!
個紙樣真係好合哥基身材，不過少爺肥多半寸都唔啱著。

其實因為少爺得一位，整太多件都著唔晒，
構思緊好唔好試下online 試賣，
賺到既錢可以用少爺之名捐助其他浪浪，
唔知有無人吼呢??
心大心細中，又或者做多幾件練習下先再算啦~~