復活節四日三夜之旅

請三日放十日既復活節假終於都完結啦!!
呢十日假Jim家當然唔放過陪JimJim去秘密花園玩啦~
今次去左四日三日。
本來仲想再搵一日郊遊，不過公眾假期之後日日都落雨，
結果都係留返屋企休息。
反正少爺游左四日水，再加行左一日山，
要三日三夜先回復元氣!!!

出發前一日天文台話有個風去緊呂宋，之後有可能吹黎香港。
唔係卦!!! 放假先黎打風???!!! 唔通個天都唔鍾意我??!!!
好彩我都唔係咁乞人憎，結果個幾日好天都不得了!!
仲有成28、29度，游水簡直係very good tim啦~~
多謝太陽伯伯都仲眷顧我家少爺~

= + = + = + = 跳 回 03.04.2015 出 遊 日 = + = + = + =

當日有成27度，當然立即試少爺新買既Alphiacon涼感衣有無料到，
我就覺得好OK啦!!



當日雖然仲未係盛夏30幾度，不過少爺全程都無咩喘氣!!
呢個天氣有風行得舒服好多，
請大家欣賞少爺美(肥?)臀，去片!!

之後其中一日仲去左行浪茄，JimJim亦有著涼感衣。
個日就好明顯感覺到濕左既涼感衣有著同無著係有分別既!!
當日沿途KEEP住淋水，再加最後落樓梯段路抱左一陣，
少爺都成功到達沙灘，衝左落海暢游撲浪。
我覺得如果無涼感衣少爺應該會辛苦好多~
亦未必會去行啦!!

= + = + = + = 跳 回 秘 密 花 園  = + = + = + =

去到當然係Free Run 加游水啦~
今次去D草長左好多，仲有牛牛陪晒太陽!!
JimJim 即刻變左甩繩馬騮，無黃管~~



JimJim次次見到牛牛都會天性發作向牛牛吠，
又想走過去兇牛(哥基原本係牧牛犬黎架!!)。
通常牛牛會當佢無到，不過如果係小牛牛呢，
就會同少爺鬥過，試過想用個頭撞JimJim，
你又唔好以為小爺無牧開牛兼身型圓潤喎，
佢都不知幾靈活避開。

其實我唔怕牛牛會整傷少爺，反而係好怕牛牛D虱跳左去少爺度囉!!
所以一定要睇實，見佢一想走埋去就要叫住佢。
咁少爺就會扮晒野咁走返黎，真係俾佢激死!!



今次都係無數張泳照，少爺成三個月無游水啦，
一見到個海就衝落去。
除左游水，仲要係沙灘度彈下彈下咁，好可愛啦~



話說小妹仲未識用大相機，好多相都一係唔夠Sharp一係就爆光，
大家就將就一下啦~ 哈哈!!

擺個 Enjoy Post 迎接夏天啦~



浪茄之行留待下篇啦~

[未完。待續]