「Jim。Handmade」的誕生

要記錄一篇對Jim家有義意既小事。

話說，上次成功製作左件滿意既[ 手作仔] 阿媽牌 TankTop ] 後，
車車下上左癮，愈車愈多，
依家已經一件車得比一件滿意啦....
唔經唔覺少爺已經有同款衫衫五件啦~ 哇哈哈!!



之但係再係咁車落去真係不得了，哈哈~
其實之前都提過試賣既想法，亦希望有義賣成份。

但係因為小妹無學過咩車縫班，
最多就係中學時上過3-4堂家政堂，學過簡單既基本技巧。
真係怕成品無人肯要!!
不過本著一片熱情及善心，
就算唔太完美，大家應該唔會覺得太搵笨卦?!

好啦~ 硬住頭皮上星期終於係 FB Page 試下推出圍巾，
叫少爺出黎試試水溫~
得到BLOG友冬媽既鼓勵及大力撐場，
總算五條圍巾於幾小時內賣晒!!



第一次有人願意真金白銀買自家製造既野，
雖然一分錢都無入自己個袋兼材料費自付，
但係可以同其他朋友仔一齊做善事，又可以分享自已既成品，
真係好滿足、好開心!!!

經過呢次美好既經驗，終於鼓起心入面既一團火!!
所以啦~ 「Jim。Handmade」誕生啦！！

之後將於 JimJim the Corgi FB Page 不定期推出各項活動，
初步打算只計材料及運費，不計手工錢，餘數捐出，
務求達到車得開心、捐得開心、一齊做善事。
現階段仍然係練習中，其中兩件作品~



後續有咩搞作，就請大家留意 FB Page 啦~
仲唔快D Like 啦喂!!!