好天氣去游龍舟水 2015

由少爺愛上游水之後，
每年端午節都變成游龍舟水既家庭日。
今年當然照舊，同埋少爺去秘密花園游游游啦~

不過今年因為小妹要出差北京，差D趕唔切返嚟，
為左少爺可以游龍舟水，前一晚趕搭夜機返香港，
航班 Delay 就梗架啦，點知等左兩粒鐘仲未起飛，
原來航機上有小朋友發燒要落機，佢地既行李亦要download返，
就係咁，等呀等又一個鐘... 終於可以起飛，返到屋企已經凌晨二點多!!
好彩端午節當日可以如期出發，幾辛苦都抵返晒啦!!



 唔知大家仲記唔記得個排天氣好到不得了，
成個天好藍，又有白雲!!
連北京個天都好藍(上面張相)，
北京同事都話係少見既好天氣。

其實本篇純粹記錄少爺出去玩既開心事，無咩重點架。

= + = + = + =  跳 回 出 遊 日 = + = + = + =

話說當日去到拎部相機出嚟想影相之際，
居然先發現相機內無記憶卡!!! OMG~~
所以本篇所有相都係用我部 iPhone 影既，
不過因為天氣好，影出嚟都好靚呀!!



亦因為無帶相機，唔敢拎部 iPhone 影少爺泳照 (好怕會整濕!!!)，
所以本篇係一張泳照都無既... 哈哈~
不過 JimJim 側臥影都相當吸引架!! XD



好奇寶寶最鍾意周圍行周圍聞。
玩"躲貓貓"發現媽咪之後，開心到想跳落碼頭!!

雖然Jim家無咩新地方去玩，成日都係去秘密花園，
但係因為少爺係"獨家村"唔太接受到陌生狗狗，
所以唔可以好似其他朋友仔咁去人多狗多既地方，
呢度可以游水又可以 off leash free run 已經係少爺既夢幻樂園啦~



咁靚既天氣真係點影都靚!!
唉，呢個星期已經連續落左好多日雨啦~ (寫呢篇BLOG既時候)
仲要係大雨到黃色暴雨警告，
有望快D好天又可以去玩啦~


[20-21.6.2015]