首爾帶回來既 Sweet Curry Pack

話說小妹唔食得辣，所以泰式果D好辣既咖哩唔太好，
反而日式甜咖哩，少辣甜甜地就好鍾意啦。
去首爾期間，有去當地既超市逛逛，
主要係想買下零食做下手信咁。
點知俾我見到包咖哩幾吸引咁，就買左返嚟。

搵日開嚟煮當晚餐，結果... 好味喎~
好後悔只係買左一包返嚟咋!!

雖然呢個咖哩唔貴，記得好似3,000W左右，
但係打開包裝發現原來都分左三包粉，
跟住逐個step 放真係非常極之簡單。



我今次既材料有: 肥牛、雞柳、薯仔、甘荀、本菇、洋蔥。
因為小妹覺得煮甜咖哩要配肉先好味。
將材料洗乾淨、切粒。
先將洋蔥炒香，再放入薯仔、甘荀、本菇，
加入第一包「濃湯」包及適量水煮半小時至材料變軟身。
加入第二包「咖哩粉」搞拌，跟著放入雞柳煮至滾起。
此時放入肥牛滾一滾就得啦。
最後加入第三包「辣粉」就可以熄火完成啦。
包「辣粉」都好堅下，我只係放左好少，有少少辣味，
如果喜歡辣既可以隨喜好調較。
雖然佢包裝寫係Mango & Banana，不過我就一D都食唔出啦~
總知就係甜甜地甘甘地啦~

大家未必買到同一款咖哩包，
不過超市買既盒裝日式咖哩煮法都係大同小異，非常方便簡單!!!
BTW，下次去一定要買多幾包返嚟!!
大家見到都可以買嚟試下呀!!