恭喜發財！馬年馬到功成！

馬年大年初一，

少爺祝各位：

身體健康、馬到功成！

毛寶貝日日有街去、零食食不完、！

少爺晚餐好幫手

又來記錄下少爺既飲食情況順便介紹一下新敗物~

其實少爺既每日晚餐已經轉左做 Homemade 鮮食大概個多月啦!!
(請掌聲鼓勵媽媽!! )

我家少爺Jim Fantastic 2014

2013年剛結束，
往年年尾總會有好多銀行、公司印製既座檯月曆派發，
但今年情況不同，想搵一個都有難度。
最後，想起 Blog 友推介既台灣網上月曆印刷，
操作簡單又花費不多，
所以就試一試印本獨家既「我家少爺 Jim Fantastic 2014」啦!!

平淡簡單過聖誕

一年之中小妹最鍾意就係聖誕節，
四周都充滿歡樂氣氛!!

以前讀書年代就最鍾意同人迫，
去尖沙咀唔知做咩迫來迫去就開心。
不過今時今日(老左?!) 就寧願留係屋企或者去少人既地方，
同屋企人過個簡單而寧靜既聖誕就心滿意足囉~

所以... 12月25、26日就同屋企人去左西貢渡假屋避世啦~~~~

冬日南丫島行

上星期見到Blog友冬冬去左南丫島玩，
原來南丫島唔似長洲咁旺，加上最近天氣又非常適合郊遊，
立即決定帶JimJim去逛一逛!!

因為未去過南丫島，所以上網查一下計劃下行程。
原來南丫島係發哥(周潤發)既故鄉，
係香港第三大島嶼(排係大嶼山及香港仔之後)。
可以係中環或香港仔搭船去，
而且所有航班都可以帶寵物乘搭!! (忽然覺得港九小輪公司好文明呀!!!)