少爺晚餐好幫手

又來記錄下少爺既飲食情況順便介紹一下新敗物~

其實少爺既每日晚餐已經轉左做 Homemade 鮮食大概個多月啦!!
(請掌聲鼓勵媽媽!! )

之前都有提過因為雪櫃無空間存放，
一向都係逐次即煮即食，
最近買左一樣新玩具來幫下手，

終於可以一次煮幾餐份量啦!!
就係上面個部食物真空機啦~~

 

呢部係淘寶寶貨仔!!
有封口及抽真空功能，
不過呢，用後感就係抽有太多汁既野呢就未係好強，
絕對唔可以同幾千蚊部既歐洲機相提並論，
不過如果以幾百蚊既value，佢算合格架啦~

買佢真係主要為左少爺既晚餐。
有左呢部機，可以一次整3-4餐份量，Pack成一小袋放入雪櫃，
既慳位又因為真空而保存得比較好。
食時取一包加熱，味道都無電櫃味!!
(係!! 媽媽當然每餐都有 偷食 試味啦~ )



亦因為一次整4份，份量亦比較好準備，
舉例每次買一pack三文魚可以一次過煮晒，
唔使好似以前咁, 餘下既要搵人食左佢!

加上用埋 LC 20cm round 份量剛剛好!!
以燉菜煮法，又快又好食!!



少爺既餐單主要有肉加蔬菜加五穀，
其實都係容易買到既食材。

特別要講一下係五穀類我通常會煮貝殼粉，

但選擇買邊隻牌子既時候就要睇睇標籤說明「鈉」既份量啦!!
我買個隻牌子就係無納既, 因為食得納多係唔好架!!
有D平價牌子既納份量可以差好多架，所以要留意。

我就唔係度講少爺既份量啦，怕誤導大家就唔好，

因為唔同體重、年齡、狗種(小、中、大型) 既份量都唔同，
其實依家愈來愈多講狗狗飲食既書，大家可以參考。

有左真空機同LC煮少爺晚餐就無難度啦!!

真空機仲可以用來整 slow cook 菜式，試左再同大家分享。


(記錄完畢。)