人可以掌握到什麼? 又可以決定到什麼?

屋企既notebook壞左好幾個月
(其實又唔係完全地壞，只係有些function用唔到，但又可以上網喎!!)，
所以可以忍受到今時今日仍然未換。
但係唔可以transfer影既相落部notebook令到寫BLOG的意欲也減低了。

其實呢幾個月好似發生左好多事，但又好似唔係，
不過其實我既生活都係咁... 無咩大改變。
最近公司其中一位要好既同事將要離開，
令到我潛藏已久唔喜歡呢份工既意識又再一次湧上心頭!!

我唔知道我係唔係一個工作狂，
但我認我好喜歡工作所得到既滿足感。
一個人一定要對工作有熱誠才能享受工作，將工作做得好...
這是我一直有的信念!!
但.... 現在既我對現在既呢份工根本就談不上喜歡，那可來熱誠??!!
可能因為工作太容易、太呆板卦!!
呢啲係咪我想要既工作呢??
我可以好堅決咁答: 唔係!!
老實說... 我好喜歡我以前既工作，我甚至掛住我以前份工!!
如果你知道我以前既工作是一份工作時間可以一日14小時，
無放假概念，時刻要check email既工，我諗你會話我痴線!!
但係我可以學到好多，得到好多工作上既滿足感。
每日返工，你會諗今日仲有幾多個鐘去完成手上既工作，
而唔係現在既仲有幾多個鐘先可以放工!!

我相信每一樣事情都存在等價交換!!
我想要工作有滿足感，我就得放棄另外既事件。
非一般長的工作時間換走了我做其他事既時間，
某程度上就係需要我捨棄其他，例如家人&朋友!!