[少爺日記] 個BLOG生滿草之少爺來UPDATE

Hello 各位, 我係 JimJim 呀~
最近媽咪好忙，而且香港既天氣又唔好，太陽伯伯玩失蹤，
所以除左落街散步，我都無得去玩啦!!
呢個BLOG都生滿草囉!!


今次就等我黎UPDATE 下大家我既近況啦!
(迷之聲: 咩除左食同瞓仲有其他野咩???!!!)

= + = + =   手 作 仔 口 水 肩  = + = + =
 大家都知我媽咪有時都整下圍巾呀~ 汗衫呀~ 俾我架啦
今次佢居然整左條口水肩俾我!!
有無搞錯呀!! 我走瀟洒型仔(?!) 路線架嘛，
帶住條口水肩仲點出黎 行 散步呀!! 咩形象都無晒啦!!



我媽咪話喎，我等食/食野個時D口水不停流，頸仔D毛毛都濕晒喎。
哎呀~ 佢真係有所不知，Corgi 不嬲都出名口水多架啦....
而且咁係代表我食唔飽呀!! 作為媽咪既應該要反省下先真!!
(迷之音再次出現: 喂~ 係有狗食極都唔知飽咋!!你自己睇下!!)



好啦好啦~ 媽咪一番心意做俾我，咁我唯有勉為其難歡天喜地咁帶黎滿足下佢啦~~



咦!! 原來一帶上就會有野食架喎，咁又幾好喎!!

= + = + = + =  新 玩 具 。 小 丑 Kitty  = + = + = + =

因為本少爺一向以 豪邁 粗魯見稱，
每次新玩具都俾我以極速 詳細檢查 五馬分屍，
所以媽咪好耐無買用棉花做既毛毛玩具俾我囉~
耐不耐阿麥當當就會推出Kitty既系列俾小朋友換，前陣子係馬戲圍系列。
前幾日，媽咪忽然帶左小丑Kitty 返屋企，佢話係我既新玩具喎!!



本少爺梗係二話不說，立即幫佢檢查下啦 (Kitty: HELP~)



其實Kitty都幾健康，而且好似俾本少爺當枕頭墊又幾舒服喎....
好啦~ 就暫時嬈你一命先啦!!

= + = + =  口 水 多 個 茶   = + = + = +
 本少爺一向唔鍾意囉囉唆唆(?)，講到呢度差不多啦，留返下次再講啦!!
最後，講個秘密俾你地知啦，
媽咪話放假帶我去西貢渡假呀~~~~  仲要係去幾日添呀!!!!
到時候日日瞓醒打開眼就可以輥去游水啦!!!
不過最最最....希望太陽伯伯幫下忙唔好玩失蹤，俾個晴天假期我啦~~
PLEASE!!!
返來再同大家報告!!