新安樂窩(墊?)

話說依家少爺JIM 瞓緊個張床係圓形既，
加上正值夏天，佢好多時都寧願大字形咁趴係地下度仲覺得涼冰冰~
所以佢都好少瞓係張床度 ....
但係佢阿媽我唔知佢其實係咪因為嫌張床唔夠大呢?

Book for Dog Lovers

最近行書局見到一本關於狗狗既，因為俾佢既封面吸引住~~

《A Dog's Life. Inspiration for dog Lovers everywhere》

結果當然係忍唔住打開睇左幾頁，
跟住就買左佢返屋企啦

"典典"新意思

唔知大家家中既小朋友會唔會好鍾意"典"黎"典"去既呢??
定係哥基特別鍾意呢?
我家少爺Jim 就最鍾意係食佢最愛既野食或者有新野食既時候，
佢就會情不自禁係度"典"下先，抒發下佢係興奮情緒~

鮮食日

其實一直都知道鮮食 (即新鮮食物) 係對小朋友好既，
之前都係有時間就整俾我家少爺食，
最近終於"的"起心肝決定每個週末/日定為"鮮食日"啦!!

其實我整既鮮食非常簡單，
就係甘荀 (切粒) 及雞柳一齊蒸熟，然後再拌勻乾糧。
當然乾糧份量就比平時減半啦~

扮晒悶~

話說最近愛上鉤 Amineko,
有時候真係掛住鉤無理到JimJim。
咁係呢D時候佢就會故意走埋黎錫下你,
聞下D毛冷咁黎引人注意....