勞動週

上星期真係我既勞動週!! 點解咁講??
因為一星期內做左太多消耗體力既活動啦!!

首先就係星期五既走火警....演習!!
需知道我公司係47/F，
走到落地下我諗我一定會雙腳麻痺!!
所以我只係行到21/F個休息站就搭Lift落地下。
當時已經 feel 到對腳有啲陣啦~~




到左第二日.....我對腳真係酸軟到唔想行!!
仲大獲既係....
我第二日參加左慈善步行 --- 由科學園行去大埔海濱公園!!!
其實條路程話長唔長，大概1.5小時。
對於平時既我一啲難度都無!!
不過對於走完火警既我就....
有少少擔心咁啦....!!!

***************************************************

終於到左星期日啦....
個日一早就去到集合地點，
估唔到有好多人呀!!
不過呢類唔太辛苦既活動又可以做下慈事咁就最啱一家大細參加啦，
所以個日就有好多小朋友同BB車出現啦!!
本來我都想帶JimJim一齊行....
不過最後因為路線會行入大埔海濱公園，
而個度又唔淮狗狗進入而打消左呢個念頭。

星期六仲係間中有雨，
但個日就非常之曬，
想搵舊雲睇吓都無呀!!
因為實在太曬所以都行得無想像中咁輕鬆
至於我對腳... 好彩已經無咁酸軟... 都總算行得郁!!