教仔篇 (3)

剛過去既星期日又係JimJim上堂既日子!!
今日老師黎既時候按門鐘，
JimJim只係吠左兩聲就無再吠啦!!
因為佢係咁咬繩分散自己既注意力 !!
老師都讚JimJim有大進步!!
下一步就係要戒埋咬繩!!

跟住就落街散步，
其實呢個星期開始JimJim已經明顯唔再驚小朋友啦~
由最初見到就想吠變到依家望吓就算，
真係好叻叻!!

好似同老師散步既時候遇到一個小朋友拎住支類似劍既玩具係咁舞，
JimJim都係望左佢一眼咋!!
我諗如果係以前既JimJim一定同佢搏命!! 哈哈~~

唔知點解每次上完堂JimJim都會特別"支力"既，
睇吓佢又用眼神黎催我瞓覺啦!!!

當日夜晚佢仲"且鼻寒"且得好大聲添呀!!!