今年首回大閘蟹

運動會完結之後就去左朋友家參加今年既第一次大閘蟹宴
(其實都唔係咩"宴"... 因為只有大閘蟹+壽司 )

去到第一件事當然係幫主角們影張相啦!!




之前朋友問我想食公蟹抑或毑蟹，
其實我每次都唔記得有咩分別 ...??
 哈哈!! 我話總知我要食好多蟹膏啦~
結果我兩隻都要左 (一公一毑)~

終於食得啦!!



真係幾多膏喎~~ yummy!!!



朋友話飲花雕所以無預備薑茶喎...
不過我要揸車所以無份飲!!



但係食大閘蟹 (咁寒) 唔飲薑茶點得架!!??
好似差咁啲野咁....
結果，我地去左食糖水~~
我叫左湯圓，因為貪佢個有薑味既糖水!!!

食完之後，今年既大閘蟹宴總算完滿結束。

不過食大閘蟹既季節都差不多完啦，
所以可能又要再等到下年先再見囉!