久違了的運動會

公司運動會終於係剛過去既星期六完滿結束啦!!
上次參加運動會已經係F.7既時候....
真係有夠耐之前呀!!

其實呢個星期都有間中落雨，
所以都有啲擔心當日會唔會落雨。
雖然我只係參加左一項比賽咁多 (估唔估到我參加左咩呢??) ...

不過如果落雨都真係幾麻煩 ....
不過天公造美，當日好好天呀~
簡直係藍天與白雲 (=非常曬!!!)

登登登.... 其實我參加左推鉛球!!



哈哈~ 其實我由細到大都唔係田徑既材料，
就算依家做運動都係揀啲滋滋悠悠既~
所以可以選擇參加既項目真係無幾個!!
最後當然係無獎攞啦!!!
不過都係30人入面排第11呀~~
我已經覺得自己好勁!! 哈哈

雖然個日都係行行企企，
不過久違了參加運動會既經驗都唔錯吖~
有啲重拾少年青春既味道 (好有"那些年"的感覺) ~~

運動會完結之後仲要趕下場 ---
就係今年第一次既食大閘蟹活動!!
下篇blog再寫... 依家好"支力"要瞓先!!