少爺開餐啦~

係時間報告一下我家少爺Jim 每週鮮食日既情況啦~
其實由於佢阿媽我對煮野食係無咩創意既
所以煮來煮去都係個幾樣野....哈哈

不過因為我家少爺只係對(有無得)食有執著，
對食咩就無所謂既大前題下
無論我煮咩佢都會照單全收、食光光!!

不過雖然話來來去去都係煮個D野，
不過呢餐有新既野加"食送"，
就係 南瓜 啦~

因為最近係其他狗媽媽既BLOG見到，
原來南瓜對狗狗既腸胃係好有益架!!
所以今餐立即買返來試下，睇下少爺喜唔喜歡
(不過唔喜歡既可能性實在比中六合彩既機會仲要低!! 哈哈)
所以今餐除左有新加入既南瓜、
仲有例牌既白雞柳、甘荀、伴乾飼料~~



由於我家少爺係長期好似處於"鬧饑荒"狀態既
(請注意係"好似"咋，我日日有俾飽飯佢食架!!)
所以我要將雞柳蒸熟後拆絲、甘荀&南瓜就要切粒，
避免佢食得太快嗆到。



我係廚房洗呀、切呀、蒸呀既時候，
JimJim就會乖乖趴係廚房門口度等
(呢個時候佢應該會諗要等Mommy食完先有得食啦~)

到後來聞到好香既雞味，
佢好似終於知道自己有份食既時間就開始進入興奮狀況，
不停來來回回，仲企圖跳上黎"裝"下
可能有會有狗媽媽問點解咁豐富仲要伴乾飼料呀?
首先係因為怕唔夠飽 (我都話我有俾飽飯JimJim架啦!!! ) ，
另外就係因為乾飼料其實有好多不同既營養、維他命等，
由於淨係食鮮食而我又無加其他營養粉，
所以都係加返D乾飼料好似比較均衡D。
 ==============

經過一輪功夫後，終於食得啦~~
當然係食之前要影張招牌笑容相以示多謝我呢個阿媽既辛勞啦~~



不過呢個仔，影完一張之後就"牛咁眼"望住碗晚餐，
叫佢 hand hand 都完全聽唔到咁...有無咁餓呀??!!



果然唔使2分鐘就已經KO左啦!!!



睇見JimJim食完之後大滿足既笑容，兼大字型趴係地下個樣，
真係甜到殺死人~~ 不枉為娘我洗呀、切呀、蒸呀一大餐俾你2分鐘既快樂!!

好啦... 終於到我自己開餐啦~
少爺就趴係枱底一邊hea一邊陪我食dinner。 (sweet sweet~ )