[敗] Pet Mat (again!!)

之前有個 post 都提過我想買張墊俾少爺Jim，
之後搵左一陣係淘寶買左張超大既，因為真係太大，所以要做後期加工!!
詳情請看 《新安樂窩(墊?)》

不過唔知係咪太厚踩上去有D"晒"力，少爺都好少瞓上去，
只會係半夜佢好眼瞓而我又未打算瞓既時候，
以"擺姿態"既方式瞓上去"暗示"俾我知: "好夜啦!! Mommy你究竟瞓未??!!"
所以我又再繼續搜尋有無合心水既墊。

終於又再買 --- Memory foam Ultimate luxury pet mat
少爺都好俾面，係張 mat 上面交足戲!!



今次呢張係外國貨!!
手感非常毛毛、軟棉棉咁，我就非常之LIKE!!



不過上次佢都係咁，所以今次都係要觀察下，
等天氣再凍D既時候睇下佢會唔會自動走上去瞓啦~~
呢次床墊事件，令我覺得淘寶唔係唔好，
不過就真係唔係樣樣都同睇相差不多，
如果買左返黎先發覺唔合心水，
咁就一來一回又浪費時間又浪費錢囉!!!
所以"隔山買牛"係有風險架!!
所以我既原則係"非食物"及"唔太貴"既野先會淘淘淘!!!!