[食記] 初訪馬場The Gallery

其實最近都有好多野想寫，不過就係懶囉~
一篇一篇慢慢寫，哈哈~ 今次先寫食記。

22.11.2012 The Gallery  月貝卂

話說好朋友見我潛水左一排，主動邀約去馬場睇賽馬＆Dinner。
一來之前未去過，二來因為朋友有invitation先入得去呢間餐廳，
如果唔係member係唔招待喎~
聽落係咪好吸引先~
  加上我"老土"認為Dinner@馬場應該係D幾高級下既消遣，
係餐廳隔住玻璃睇賽馬喎，
又唔使忽然附近有個唔識既大叔係輸馬既時候講一埋問候人地既說話~
應該都唔錯，於是我當然應約啦~ 見識下嘛!!

不過原來係我諗多左....
招呼我地既馬會account manager係一位靚女，
佢話原來依家馬會想開拓年輕人既segment，
將星期三去馬場dinner 加睇馬變成好似去PUB Happy hour 既活動咁。
咁淨係個 location 再加埋呢個 view，
又真係好過去LKF 個D迫到要企出門口既PUB喎~



望住D馬係下面咁近距離係度跑，
雖然我跟友人都只係小賭怡情（$10 win $10 place)，
都忍唔住一齊叫 " 快D快D" ，
人地唔知仲以為我地賭好大tim.... 哈哈～
終於有D明白點解個D大叔係輸馬既時候會講一大埋問候語～



最重要既係價錢絕對唔係高不可攀!!
當晚食既係semi dinner buffer，
即係Appetizer 同 dessert 係buffer 形式，
而main course 就係要order 既，
有2款 main course 係唔需要額外加錢
(唔記得個全名，一個係 Risotto，一個係 Pizza)，
有另外4款就加不同既價錢upgrade (都係唔記得個名...，
好似有個係 steak，有個係 seafood之類，其他唔記得勒....)。

我地一行四人， 其實係叫左４個唔同既main course，
不過因為掛住講（同賭？！），所以唔記得每道都影相。

呢個就係咩咩水牛芝士Risotto (全名唔記得啦～)
味道ＯＫ，芝味好濃，
不過食左一半之後就覺得有少少膩，如果share就剛剛好！！



呢個係Pizza... 哇哈哈... 真係完成唔記得左個名，
好似係有火腿、磨菇、蕃茄.... 味道ＯＫ！！



甜品非常出色！！
款款都好味，而且賣相都好得，以下只係一部份咋！！

其實除左幾個餐廳外，

樓下跑道既公眾席前面都擺放左好多 Booth 賣啤酒，紀念品等，

都好有Happy hours 既感覺架。
而且主題會每個月轉一次，今個月係Asian week，

所以D booth賣既野都會同呢個主題有D關係。

仲有歌星表演，務求攪到好似嘉年華會咁熱鬧～

個日表演既就係閻奕格（即係香港人嬴左台灣超級星光大道個位！！）

個靚女manager極力叫我跟友人同閻小姐合照，

雖然真係唔係佢fans，不過都俾面充撐下埸面咁啦～

最後我地睇晒8場馬，成11點半先走人。
不過真係好累，我跟友人一致認為下次再來的話，

第七場開跑就好走，一來唔使咁晚，

二來走既時候唔使同咁多人迫

（原來都有成3-4萬人係賭場一齊散，同紅館散場差不多！）
最後因為我跟友人都係新開accounts，

仲有一支紅酒送，都真係有食又有得拎，絕對超值！！

 

【店家info】
The Gallery  月貝卂
地址：跑馬地馬場公眾席3樓