[手作仔] 第一件少爺衫(?)的誕生!!!

其實HK真係好少會搵到啱毛小孩既配飾，
例如領呔、圍巾、披肩之類，
我都試過上網搵，多數都係外國小手作，
連埋運費又好似唔係好化算，
最慘係要等起碼 2-3 weeks 先收到，
終是乎........就一於自己做啦~~

話晒第一次做，當然係搵樣容易D做既試下啦~
 一來容易D可以好D整好，因為以我既性格，一係唔做，
一做就會全情投入希望有咁快得咁快完成，
一放低左就未必會再拎返起架啦;
二來容易做就容易成功啦~ 哈哈~
咁會有滿足感繼續整第2、3、4.... 樣啦!!!

好!! 開工!!!
Step 1: 整咩好呢? ---- 最後決定呢件披肩~

 

老老實實，最初係俾D喱士花邊同藍色吸引而揀佢既，
但監於我家少爺係男生，點都唔可以太過女性化，
依友人既說法係"要尊重少爺既性別" (太誇張吧??!!)，
所以我唯有稍作修改，
將D蝴蝶結呀、喱士花邊呀，全部deleted 晒啦~

Step 2: Action!!

揀好做咩，就黎去買材料。
又係時候要淘一淘。嘩!!

原來淘寶真係咩都有，連布料，花邊，配飾等都要咩有咩!!
仲要俾我搵到同幅原圖一樣既花布(係藍色!!!)，

於是就諗都唔諗就買左~~

 其實真係有好多好多唔同款既布俾你選擇，

無論係和風、田園風、BB布料，應有盡有。
雖然真品同網上睇圖的確係有D差別，

質地亦都可能會同預期既有出入，
不過平平地玩下，又方便真係唔錯!!

有時都真係覺得淘寶應該列入中國 (第五大??!!)

偉大發明!! 哈哈~
本來係打算攞返部埋滿塵既小衣車出黎用，

點知.... 太耐無用已經報廢了!!!
由於去到呢個地步，紅心萬丈既我，

就算無車衣都要完成!!!

唯有改為一針一針咁縫啦~

不過好在我中學時家政科都有上堂，成績都幾好架!!
不過製作時間就拖長左，

唔緊要，只要有恆心，一定完成到既!!!

Step 3: Finished!!

登..登..登..登...完成品!!!



 立即叫御用model黎試穿下先!!!

再加個招牌甜笑!! 靚唔靚先???
 

再叫少爺擺多幾個唔同既POST先!!

正面、側面、3/4面、前仰......



 雖然呢件披肩實用性就真係無咩，

不過都話晒係我呢個阿媽親手做俾JimJim既第一件衫(?) 啦~
少爺都好俾面，表現得都好鍾意!!

(當然係我既主觀認為啦... 哈哈~)

其實寫呢篇BLOG既時候，第二件成品已經完成..... 係咩呢??

 

(待續~)